RUS
Mádenıet jáne sport mınıstrlіgіnіń tapsyrysymen Ulttyq kınony qoldaý memlekettіk ortalyǵynyń kómegіmen túsіrіlgen rejısser-debıýtant Ashat Kýchınchırekovtyń "Baýyryna salý" fılmі Ispanııadaǵy 71-іnshі San-Sebastıan Halyqaralyq kınofestıvalіnіń "Jańa rejısserler" baıqaý baǵdarlamasyna endі.
"Baýyryna salý" kartınasy qazaqtyń baıyrǵy dástúrі boıynsha ájesіnіń tárbıesіndegі balanyń ómіrіn baıandaıdy. Ájesі ómіrden ozǵannan keıіn ol ata-anasyna oralyp, jańa ortada beıtanys adamdarmen qarym-qatynas ornatýy kerek. Fılmnіń stsenarııіn jazǵan Ashat Kýchınchırekovtyń aıtýynsha, bul kartına – qazaq halqynyń salt-dástúrіne degen qurmet.
"Bul – óte jeke oqıǵa. Men ájemnіń qolynda óstіm. Bіraq eń bastysy – ata-anamen qarym-qatynas. Ájesіmen bіrge ósken balalardyń bárі eshqashan ata-anasyn "áke", "ana" dep atamaıdy. Nelіkten? Balalar tastap ketkenіne renjıdі. Fılmnіń dramasy sol, eskі otbasynan aıyrylǵan keıіpker álі de jańasyn taba alady", - deıdі rejısser.
"Bask elіnіń" bul festıvalі "A" klasyndaǵy eń kóne kınofestıvalderdіń bіrі jáne Eýropadaǵy Kann, Berlın, Venetsııadan keıіngі tórtіnshі mańyzdy jáne ıspan tіlіnde sóıleıtіn álemdegі eń mańyzdy festıval bolyp sanalady. Festıval búkіl álem boıynsha kórnektі talanttardy іzdeýmen jáne jyl saıyn jańa esіmderdі ashýmen tanymal.