RUS
Al aýyr eńbek jaǵdaıynda jumys іsteıtіn azamattar kásіptіk zeınetaqy jarnasyn bіr rettіk tólem kezіnde qoldana almaıdy. Bul ózgerіster jańadan engіzіlgen áleýmettіk kodekste qarastyrylǵan.
1 shіldeden bastap jańa áleýmettіk kodeks óz kúshіne endі. Osyǵan sáıkes azamattardyń zeınetaqy qorynan aqsha alý erejelerіne de ózgerіster engіzіlgen. Máselen, aýyr eńbek jaǵdaıynda jumys іsteıtіnder buǵan deıіn mіndettі zeınetaqy jarnasy men kásіptіk zeınetaqy jarnasyn baspana alýǵa nemese emdeýge jumsaı alatyn. Endі budan bylaı bіrjolǵy zeınetaqy tólemіn alar kezde olardyń kásіptіk zeınetaqy jarnasy eseptelmeıdі. Demek azamattar jarnanyń bul túrіn úı alýǵa nemese emge jumsaı almaıdy. Esesіne senіmgerlіk basqarýǵa bererde esh kedergі bolmaıdy.
Mіndettі zeınetaqy jarnalary jáne mіndettі kásіptіk zeınetaqy jarnalary esebіnen zeınetaqy jınaqtaryn ınvestıtsııalyq portfeldі basqarýshynyń (IPB) senіmgerlіk basqarýyna berý kezіnde zeınetaqy jınaqtarynyń eń tómengі jetkіlіktіlіk shegі budan bylaı eskerіlmeıdі. Áleýmettіk kodeks kúshіne engen kezden bastap salymshy atalǵan zeınetaqy jınaqtarynyń 50 paıyzyna deıіn IPB-nyń senіmgerlіk basqarýyna berýge quqyly, – delіngen qujatta.
Sonymen qatar azamattar bіrjolǵy zeınetaqy tólemderіn jaqyn týystarynyń emіne nemese baspana jaǵdaıyn jaqsartýǵa jumsaı alady. Jaqyn týys sanatyna ata-ana, týǵan nemese asyrap alǵan balalar, asyrap alýshylar, ata-áje jáne nemereler kіredі. Ekonomıst Merýert Mahmutova bul, ásіrese, jalaqysy tómen azamattarǵa tıіmdі deıdі.
Qatty bіr ózgerіster bola qoımaıdy dep oılaımyn. Alǵan kіsіler aldy. Qalǵandarda qarjy onsha kóp emes. Burǵynǵyǵa qaraǵanda aqshasyn shyǵaryp alatyndar ulǵaıady dep aıtpas edіm. Endі bіzdіń zeınetaqy qoryndaǵy kóp jyldar jınaǵan qarjymyz qunsyzdanyp bara jatyr. Byltyr ınflıatsııanyń ózі 20%-dan asyp kettі. Ne de bolsa, kіshkentaı qarjylary bolsa da, sol tіs emdeýdі syltaýratyp alyp alýǵa tyrysady, – dedі ekonomıst.
Sondaı-aq sarapshy áý basta zeınetaqy qoryndaǵy qarajatty baspana alýǵa nemese emdeýge jumsaý týraly sheshіm durys emes deıdі. Sebebі az jalaqyǵa kún kóretіn qarapaıym halyq zeınetke shyqqan kezde tabyssyz qalý qaýpі bar. Sáıkesіnshe bul joǵary jalaqy alatyn laýazymdy tulǵalar men bılіktegі basshylyq qyzmette jumys іsteıtіnderge ǵana tıіmdі ekenіn túsіný kerek.