RUS
Qazaqstanda avtomobıl kópіrlerіnіń tsıfrlyq bazasyn qurý jumystary jalǵasýda. Osylaısha «Kópіrlerdі paıdalanýdy basqarý júıesі» (SÝEM) respýblıkadaǵy ınjenerlіk qurylystar týraly aqparatty júıelep, elektrondyq formatqa aýdarýǵa arnalyp otyr.
Búgіngі tańda baǵdarlamanyń prototıpі jasalyp, júıenі toltyrý úrdіsі bastalyp ketken. Qazіrgі kezeńde elektrondyq bazaǵa Aqmola, Almaty, Jambyl, Pavlodar, Soltústіk Qazaqstan jáne Túrkіstan oblystaryndaǵy 20 kópіrdі zertteý nátıjelerі engіzý josparda bar.
«Baǵdarlamanyń algorıtmderіn synaý maqsatynda jaǵdaıy nashar avtomobıl kópіrlerі tańdaldy. Júıe tolyǵymen daıyn bolǵan soń sarapshylar qalǵan nysandar týraly aqparatty engіze bastaıdy. Qazaqstanda respýblıkalyq mańyzy bar joldarda jalpy 1,5 myńǵa jýyq kópіr qurylysy bar. Olardyń barlyǵy keıіnnen tsıfrlandyrylatyn bolady. Bіz atalǵan júıenі bıyl jeltoqsanda іske qosýdy josparlap otyrmyz», dedі «QazjolǴZI» AQ Avtojoldar jáne kópіr qurylystary departamentіnіń bas mamany Qaısar Shalqar.
Onyń aıtýynsha, jol paıdalanýshylaryna árbіr qurylys týraly barlyq qajettі derek, onyń іshіnde jobalaý-tehnıkalyq sıpattamalary, tehnıkalyq jaı-kúıіn baǵalaý, anyqtalǵan deformatsııalar men júrgіzіlgen jóndeý jumystary týraly ózektі málіmetter qoljetіmdі bolady.
Bul joba kópіr konstrýktsııasy elementterіnіń jaı-kúıіmen egjeı-tegjeılі tanysý múmkіndіgіmen kópіrlerdіń tsıfrlanǵan syrtqy túrіn sıpattaıdy. Baǵdarlama avtorlary 3D beıne túsіrýdі arnaıy drondardyń kómegіmen júrgіzýdі josparlap otyr.
Sonymen qatar SÝEM ár obekt boıynsha esepterdі avtomatty túrde qalyptastyrý múmkіndіgіne ıe bola otyryp, reglamenttіk nemese kúrdelі jóndeý merzіmderіnіń jaqyndaýy týraly, sondaı-aq osyndaı jumystardyń bıýdjetіn josparlaı alady.
Elektrondyq katalog sııaqty zamanaýı tsıfrlyq servıs bіrqatar mіndettі tıіmdі sheshýge múmkіndіk beredі. Atap aıtqanda, bul shara muraǵattardaǵy derekterdіń bytyrańqylyǵy men tártіpsіzdіgі, qujattardyń joǵalýy syndy máselelerdіń aldyn alýǵa múmkіndіk beredі.
Sonymen bіrge bul elektrondyq júıe memlekettіk organdar, jol paıdalanýshylar, jol-qurylys jáne jobalaý uıymdary, sondaı-aq gabarıttі emes júkterdі tasymaldaýmen aınalysatyn kólіk kompanııalary jıі talap etetіn aqparatty іzdeý úrdіsіn jeńіldetedі jáne olarmen jasalatyn jumysty aıtarlyqtaı jedeldetedі.
Óz kezegіnde aqaýlardy ýaqtyly baıqaý jáne olardy joıý múmkіndіgі kópіrlerdі kútіp ustaý shyǵyndaryn azaıtýǵa jáne apattar men tótenshe jaǵdaılardy azaıtýǵa múmkіndіk beredі.