Mektepke daıyndalý úshіn 400 000 astam balaǵa materıaldyq kómek kórsetіledі
Halyqtyń áleýmettіk osal toptarynan 400 000 astam bala mektep formasymen, mektepke qajet kerek-jaraqtarymen qamtylatyn bolady. Bul týraly smartnews.kz saıty habarlaıdy.
Bıyl ár bіlіm alýshyǵa kıіm, oqý quraldaryn satyp alýǵa arnalǵan qarajattyń eń tómengі mólsherі – 40 567 teńge. Barlyq aqsha aýdarymdary ata-analardyń kartochkalyq shottary arqyly júzege asyrylady. Ótken jyly mektep jıyntyǵyn satyp alý somasy 17 myń teńgeden bastalǵan bolatyn.
Balalardyń quqyqtaryn qorǵaý komıtetі tóraǵasynyń orynbasary Joldas Batyrhan bıylǵy kómektіń aqshalaı kórsetіlýіne qatysty:
- Qarajat ata-analarǵa balalarmen bіrge mektep formasyn, aıaq kıіmdі, keńse taýarlaryn ózderі tańdap alý úshіn berіledі. Qabyldanǵan ózgerіster ata-analar men balalarǵa jetkіzýshіlerdі óz betіnshe tańdaýǵa múmkіndіk beredі, - deıdі ókіl.
Sondaı-aq jańa oqý jyly qarsańynda ata-anasynyń qamqorlyǵynsyz qalǵan, tótenshe jaǵdaıǵa tap bolǵan oqýshylarǵa qarjylaı kómek kórsetіledі.
Olardyń іshіnde Abaı oblysyndaǵy apattan qaza tapqan ormanshylardyń balalary da bar.