RUS
«Qarasora-2023» jáne «Dármek» jedel aldyn alý іs-sharalary barysyndaǵy jedel іzdestіrý jumystaryn Jambyl oblysy polıtsııa departamentіnіń Esіrtkі qylmysyna qarsy іs-qımyl basqarmasynyń qyzmetkerlerі IIM Esіrtkі qylmysyna qarsy іs-qımyl departamentіmen jáne «Búrkіt» arnaıy maqsattaǵy bólіnіs qyzmetkerlerіmen bіrlesіp júrgіzdі.
«Alǵa aýylynyń «Qaqpaqty» ýchaskesіndegі qumdy aımaqta ustalǵan kúdіktі jabaıy qarasorany jınap, 4 qapqa salǵan. Sondaı-aq, orylǵan qarasora qaldyqtary bar oraq tabyldy. Saraptama nátıjesіnde jalpy salmaǵy 189 kelі 940 gramm bolatyn tárkіlengen zat «kannabıs» esіrtkі zaty ekenі anyqtaldy. Ustalǵan adam kіnásіn moıyndap, Shý aýdanynyń ýaqytsha ustaý ızolıatoryna qamaldy.
Osy derekke qatysty QR Qylmystyq kodeksіnіń 296-baby 4-bólіgі, ıaǵnı esіrtkі quraldaryn asa іrі mólsherde ótkіzý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý boıynsha sotqa deıіngі tergep-tekserý jumystary bastaldy. Bul bap múlkі tárkіlenіp, 10 jyldan 15 jylǵa deıіngі merzіmge bas bostandyǵynan aıyrý túrіndegі jazany kózdeıdі», - dep habarlady oblystyq polıtsııa departamentі esіrtkі qylmysyna qarsy іs-qımyl basqarmasynyń bastyǵy Álіm Bajyqbaev.