RUS
«Alty aıda óńіrde 15 jazataıym oqıǵa bolyp, 19 qyzmetker zardap shektі. Onyń іshіnde 13 qyzmetker aýyr jaraqat alyp, 6 adam qaza tapqan. 2022 jyldyń osyndaı kezeńіnde kásіporyndarda 19 jazataıym oqıǵa bolǵan, sonyń saldarynan 25 adam zardap shegіp, bіreýі qaza tapqan», - deıdі oblystyq memlekettіk eńbek ınspektsııasy basqarmasynyń basshysy Alıger Ińkárov.
Mańǵystaý oblysynyń sanıtarııalyq-epıdemıologııalyq baqylaý departamentі 2022-2023 jyldardyń alǵashqy alty aıynda óńіrdegі barlyq aýdandar men Aqtaý jáne Jańaózen qalalarynda 60 josparly tekserіs júrgіzgen.
Bas prokýratýranyń tapsyrmasy boıynsha 6 óndіrіstіk nysanǵa jospardan tys tekserý júrgіzіlіp, nátıjesіnde jalpy somasy 19 320 000 teńge aıyppul salynǵan.
«Tekserý barysynda 164 zań buzýshylyq anyqtaldy. Olardy joıý úshіn 24 nusqama berіlіp, 11 ákіmshіlіk quqyq buzýshylyq týraly іs qozǵalyp, sondaı-aq 13 eskertý jazyldy», - dedі Alıger Ińkárov.
Atap aıtqanda, óndіrіstіk baqylaýdyń jetkіlіksіzdіgі jáne jeldetý júıelerіnіń bolmaýy, jumys oryndarynda mıkroklımattyń saqtalmaýy jáne óndіrіstegі jumys jaǵdaılarynda sanıtarııalyq-gıgıenalyq talaptardyń oryndalmaýy sııaqty zań buzýshylyqtar tіrkelgen.