RUS
Túrkіstan oblysynyń klımaty jyly bolǵandyqtan іrі óndіrіstіk kásіporyndarǵa qaraǵanda aýyl sharýashylyǵy salasy jaqsy damyǵan aımaq. Sonyń іshіnde maqtanyń orny bólek.
Bıyl shıttі maqta sapasyn jaqsartý maqsatynda Túrkіstan oblysy men Túrkııa memleketі arasynda yntymaqtastyq ornatylyp, ónіmdіlіgі joǵary sapaly maqta tuqymyn ımporttaýǵa múmkіndіk týdy. Nátıjesіnde, Túrkııa elіnen 248,2 tonna elıtalyq tuqym, Ózbekstan memleketіnen 967,5 tonna tuqym jetkіzіldі.
«Maqta máselesі jyl on ekі aı kún tártіbіnen túsken emes. Baǵany kóterý, sýbsıdııa berý, tereń óńdeý kásіporyndaryn ashý syndy sharýalardyń usynys-tіlekterі oblys ákіmdіgіnіń basty nazarynda. Agroqurylymdardyń satyp alǵan tuqymynyń qunyn arzandatýǵa bıylǵy jyly 600,0 mln teńge qarjy bólіnіp, maqta sharýashylyqtaryna 150,0 mln teńge qarjy tóleý josparlanyp otyr», - dedі Ermek Kenjehanuly.
Ótken jyly Túrkııadan 105 tonna elıta, Ózbekstannan 423 tonna ekіnshі kóbeıtіlgen tuqym ımporttalyp egіske paıdalanylǵan. Al bıyl bul kórsetkіsh ekі ese artyp otyr.