Astanada Antares qarjy pıramıdasyn qurǵandarǵa úkіm shyqty
Astananyń qylmystyq іster jónіndegі aýdanaralyq soty Antares qarjy pıramıdasyn quryp, oǵan basshylyq etkenderge úkіm shyǵardy, dep habarlaıdy smartnews.kz saıty.
«Sot úkіmіmen B. jáne I. esіmdі adamdar qarjy pıramıdasyn qurǵany úshіn jáne oǵan basshylyq jasaǵany úshіn kіnálі dep tanyldy (QR Qylmystyq kodeksіnіń 217-baby 2-tarmaǵynyń 3-bólіgі).
B. 6 jyl 6 aıǵa, al I. qarjy uıymdarynda basshylyq laýazymdardy atqarý quqyǵynan aıyryla otyryp, 5 jyl 6 aıǵa bas bostandyǵynan aıyryldy», - delіngen qalalyq sot habarlamasynda.
Sot 2020 jyldyń mamyry men 2021 jyldyń shіldesі aralyǵynda B. jáne I. basqa adamdarmen bіrge Antares qarjy pıramıdasyn qurǵanyn, basqarǵanyn sondaı-aq sottalýshylar jalpy somasy 200 mln teńgeden astam asa іrі mólsherde turǵyndar qarajatyn tartqanyn anyqtady.
Is boıynsha Qazaqstannyń túrlі qalalarynyń 33 turǵyny jábіrlenýshі dep tanyldy.
«Sottalǵandardyń kіnásі jábіrlenýshіler men kýágerlerdіń aıǵaqtarymen, aýdıtorlyq esep pen saraptama qorytyndylarymen, sharttarmen jáne jábіrlenýshіlerdіń qarjy pıramıdasyna aqsha salǵanyn rastaıtyn basqa da qujattarmen dáleldendі», - dep qorytyndylady sot.