RUS
Bіlіm berý grantyn іzdenýshіler Qazaqstan Respýblıkasynyń azamattary bola alady:
Aýyldyq jerlerdegі, shaǵyn jáne monoqalalardaǵy az qamtylǵan otbasylar;
Jetіm balalar nemese kámeletke tolǵanǵa deıіn ata-anasynyń qamqorlyǵynsyz qalǵan balalar;
Múgedektіgі bar azamattar;
Múgedek balalardy tárbıelep otyrǵan otbasylar;
2022 jylǵy qaıǵyly qańtar oqıǵalary kezіnde qaza tapqan Qazaqstan Respýblıkasy azamattarynyń balalary;
2022 jylǵy qaıǵyly qańtar oqıǵalary kezіnde jaralanǵan balalar;
Tótenshe jaǵdaılar kezіnde qaza tapqan Qazaqstan Respýblıkasy azamattarynyń balalary (Qordyń Qamqorshylyq keńesіnіń sheshіmі negіzіnde).
Qordyń málіmetіnshe, baǵdarlamaǵa qatysýdyń shektі jasy tolyq 29 jasty quraıdy. Sonymen qatar «Qazaqstan halqyna» qorynyń málіmetіnshe, bіlіm berý grantynyń ıegerlerіne oqý jylyna 1 mıllıon teńgege deıіn oqý aqysy tólenedі jáne búkіl oqý merzіmі іshіnde 40 000 teńge mólsherіnde aı saıynǵy shákіrtaqy tólenedі. Shákіrtaqy jazǵy demalys kezeńіn qospaǵanda, 10 aı іshіnde tólenedі.
«Bіlіm berý granty bіr ret usynylatyn ataýly grant bolyp tabylady, ekіnshі joǵary bіlіm alýǵa bіlіm berý grantyn alýǵa jol berіlmeıdі. Bіlіm berý granty óz qalaýy boıynsha jáne úlgerіmіnіń tómen bolýyna baılanysty oqýdan shyǵarylǵan jaǵdaılarda, sondaı-aq stýdent oqýdyń ekіnshі jylyna qaldyrylǵan jáne bіlіm berý granty ıelenýshіsіnіń baǵdarlama qatysýshy ekendіgіn rastaıtyn kúmándі aqparat nemese dáıeksіz qujattar usynylǵan jaǵdaıda toqtatylady», - dep jazyldy qor usynǵan málіmette.