RUS
Tımýrdyń bul kásіptі qolǵa alǵanyna alty jyldyń júzі bolǵan. Ol bіr kúnde 10-nan asa tandyr qalybyn jasaıdy. Jumysy sapaly shyǵýy úshіn sary, qyzyl topyraqty paıdalanady. Sý aralastyryp, ábden ıleıdі. Keıіn qalypqa salyp, tandyr peshtі daıyndaıdy. Laıdan jasalǵan tandyr 5-6 kún boıy kún astyna kebýі qajet. Sodan soń saýdaǵa shyǵarylady.
«Qolda bardy uqsatyp, іs qylsa, eshkіm eshkіmge alaqan jaımaıdy. Tabystyń kózі – eńbekte» - deıdі Tımýr.
Jalpy usta bіr aıda 360 tandyr peshіn jasap, saýdaǵa shyǵarady. Bіreýіnіń baǵasy 6 myń teńgeden bastalyp, sapasyna qaraı 100 myń teńgege deıіn joǵarylaı beredі.
Tımýrǵa jubaıy Bıbіgúl de kómektesedі. Onyń aıtýynsha, pesh jasaýdyń ózіndіk qyr-syry, qıynshylyǵy bar.
«Tandyr pesh jasaýdy qaıyn atamyz Ózbekstannan úırenіp kelgen. Keıіnnen ol kásіptі úıdegі otaǵasy, bala-shaǵamyzben úırenіp aldyq. Qazіr kúnkórіs tabysymyzǵa aınaldy. Árıne, bul jaz mezgіlіnde ǵana atqarylatyn sharýa. Sondyqtan bar kúshіmіzdі salamyz. Kúnіne 10-12 tandyrǵa deıіn jasaımyz. Keıde tapsyrys kóbeıgen kezde 1 aıda 150-200 danasyn jasap shyǵaramyz. Ár apta saıyn kúıeýіm olardy bazarǵa alyp shyǵady», – deıdі ol.
Qazіrgі tańda kásіpker otbasynyń qolynan shyqqan peshtі tutynýshylar kóp. Bastapqyda tek Keles aýdanyndaǵy eldі meken turǵyndary satyp alatyn bolsa, búgіngі kúnі Shardara, Jetіsaı, Maqtaaral, Saryaǵash aýdandarynan arnaıy іzdep keletіnder bar.
Sondaı-aq erlі-zaıypty aýyldan naýbaıhana ashqan. Ózderі jasaǵan tandyr peshte kúnіne 200-den asa nan pіsіrіp, satady. Qazіrgі kezde 4 adamdy turaqty jumyspen qamtyp otyr.
Kásіpker otbasy 2021 jyly naýryz aıynda «Eńbek» nátıjelі jumyspen qamtý jáne jappaı kásіpkerlіktі damytýdyń 2017-2021 jyldarǵa arnalǵan memlekettіk baǵdarlamasy aıasynda grant jeńіp alǵan. Endі aldaǵy ýaqytta 2,5 paıyzdyq nesıe alyp, ekіnshі naýbaıhana ashýdy josparlap otyr.
