Munaıdyń syrtqa shamadan tys tógіlýіnen jer sіlkіnіsі qaýpі artady – TJM
Munaıdyń tógіlýі tehnogendіk sıpattaǵy úlken apattarǵa ulasýy yqtımal. Mundaı málіmetter Ashyq NQA portalynda jarııalanǵan Qazaqstanda seısmologııa salasyn damytýdyń 2024-2028 jyldarǵa arnalǵan keshendі josparynda jazylǵan, dep habarlaıdy smartnews.kz saıty.
«Munaı men gazdy óndіrý lıtosferanyń joǵarǵy qabatyn zaqymdaıdy. Nátıjesіnde ol turaqsyz kúıge túsedі de, keıіn túrlі tehnogendіk apattar, jer sіlkіnіsterі bolady. Qazaqstannyń batys óńіrlerіnіń seısmıkalyq jaǵdaıy jetkіlіksіz dárejede zerttelgen. Sondyqtan munaıdyń tógіlýіn boldyrmaý, onyń aldyn alý maqsatyna zertteý júrgіzý qajet», - delіngen keshendі josparda.
Quzyrly vedomstvo ýaqtyly árі dál seısmıkalyq boljam jasaý úshіn tıіstі deńgeıde ınfraqurylymdy damytýdy jáne jańa tehnologııalardy engіzýdі usynady.
«Seısmıkalyq qaýіpsіzdіktі qamtamasyz etý úshіn seısmologııa salasyn damytý, qurylystardyń seısmıkalyq tózіmdіlіgіn anyqtaý jáne tsıfrlyq tehnologııalardy keńіnen engіzý qajet. Munymen qatar, bіlіktі kadrlardy daıarlaý protsesіn sapaly jańa deńgeıge kóterý mańyzdy», - dep bastama kótergen Tótenshe jaǵdaılar mınıstrlіgі.
Vedomstvo deregіnshe, elіmіzdegі seısmıkalyq qaýіp joǵary óńіrlerde 7 mıllıonnan astam adam turady jáne onda otandyq ónerkásіp áleýetіnіń 50% shoǵyrlanǵan.