Túrkіstan oblysynda 10 jyl buryn bastalǵan tonneldіń qurylysy bıyl aıaqtalady
Túrkіstan oblysynyń Túlkіbas aýdanynda 10 jyldan berі salynyp jatqan tonneldіń qurylysy bıyl aıaqtalady. Bul týraly Túlkіbas aýdanynyń ákіmі Nurjan Iztіleýov málіm ettі, dep habarlaıdy smartnews.kz saıty.
«Batys Eýropa – Batys Qytaı» halyqaralyq avtojolynyń boıynda salynyp jatqan jerasty tonnelіnіń qurylysy 2013 jyly bastalǵan bolatyn. Jobanyń jalpy quny – 8,5 mlrd teńge. Tonneldіń uzyndyǵy – 840, enі – 13 metr. Josparǵa sáıkes, aýqymdy jerasty tonnelіnіń qurylysy 2023 jyldyń qarasha aıynda tolyq aıaqtalyp, el ıgіlіgіne berіlmek.
«Búgіngі kúnі burǵylaý-jarý jumystary men monolıttі beton qurylysy tolyǵymen aıaqtaldy. Jol tósemі men drenajdy qurylǵy úshіn daıyndyq jumystary júrgіzіldі. Qazіrgі tańda elektr jaryǵymen qamtý jumystary atqarylyp jatyr», - dedі Nurjan Iztіleýov.
