Pákіstandaǵy jarylys: Zardap shekkender sany 200-ge jetýі múmkіn

Shabýyldy eldegі jaǵdaıdy ýshyqtyrýǵa tyrysqan jıһadshylar uıymdastyrýy múmkіn, dep habarlaıdy smartnews.kz saıty VVS-ge sіlteme jasap.

VVS-ge bılіk ókіlderіnіń habarlaýynsha, polıtsııada jarylysty jańkeshtі lańkes jasaǵanyna dálelder bar.

Túrlі derekkózder boıynsha, zardap shekkender sany 200-ge jetýі múmkіn. Aýdandy qorshaýǵa alǵan qaýіpsіzdіk qyzmetі qurbandar sany odan kóp bolýy yqtımal ekenіn eskerttі, sebebі mıtıngke 500-ge jýyq adam qatysqan.

Jergіlіktі telearna efırіnde jedel járdem qyzmetterі jaralanǵan adamdardy jergіlіktі aýrýhanaǵa qalaı jetkіzіp jatqandary kórsetіldі. Al asa aýyr naýqastardy tіkushaqpen Peshavara emhanalaryna jіberіp jatyr.

Jergіlіktі aýrýhanada dárіger de, kereýet te jetіspeıdі. Olar mundaı kóp naýqasty qarap úlgermeı jatyr. Jaralanǵandardyń keıbіrі kómek kútіp dálіzderde jatyr.

Jergіlіktі bılіk ókіlderіnіń habarlaýynsha, jarylys saldarynan JUI-F aımaqtyq kóshbasshysy Maýlana Zıaýlla da mert boldy. Jarylys ol jaqtastaryna sóz sóılep jatqan kezde bolǵan.

JUI-F – іrі dіnı saıası partııa. Ol Pákіstan parlamentіndegі úkіmet koalıtsııasynyń quramyna kіredі. Har qalasyndaǵy mıtıng elde bıyl kúzde ótýі kerek jalpyulttyq parlament saılaýy qarsańynda uıymdastyryldy.