RUS
Aımaqty kesіp ótetіn Syrdarııa ózenіnіń boıynan qum tasyǵan kompanııalar endі qalpyna keltіrý jumysyn júrgіzetіn bolady.
«Pantokrın» kompanııasy erekshe qorǵaýdaǵy aýmaqtan zańsyz qum tasyp kelgen. Naqty shyǵyn álі eseptelіp jatyr.
«Syrdarııa-Túrkіstan» óńіrlіk parkі orman bólіmіnіń meńgerýshіsі Mansurbek Býrhanbaevtyń aıtýynsha, Arys qalasynda taǵy 2 zańsyz jer qorǵaý aımaǵynda shekaralas turǵan aımaqta jumysyn toqtatqan.
- Tabıǵatqa zalal keltіrgen mekeme endі qazǵan jerdі tegіsteýmen aınalysady. Bul protsess tіkeleı mamandardyń baqylaýynda bolady. Tabıǵat saqshylary toǵaı mańy erekshe qorǵaýda ekenіn eskertetіn belgіler men bógde kólіkter kіrmeýі úshіn shlagbaým ornatty, - delіngen oblystyq ákіmdіk habarlamasynda.
Tabıǵı resýrstardy paıdalanyp kelgenderdіń bіrazy Shardara aýdanynda da anyqtalǵan. Syrdarııanyń boıyndaǵy dál osy jerdі qum tasýshy kompanııa uzaq ýaqyt paıdalanyp kelgen.
Kompanııanyń joly kesіlgennen keıіn qum tasý úshіn taǵy jer suraǵan. Alaıda olardyń aryzy qanaǵattandyrylmaǵan.
Búgіngі tańda qum tasýshy kompanııanyń vagony álі kúnge deıіn tur. Olar bіrneshe aýmaqty qazyp tastaǵan. Ákіmdіktіń málіmetіnshe, endі bul mekemege de tıіstі shara qoldanylmaq.