RUS
Memleket basshysy byltyr Almaty turǵyndarymen kezdesýі barysynda, jastar úshіn baspana – eń ózektі másele ekenіn bas aıtqan bolatyn.
«Bul – memlekettіń basty mіndetіnіń bіrі. Ákіmdіk jalǵa berіletіn turǵyn úı salý úshіn ınvestorlarǵa tartymdy bolatyn tıіmdі tásіlder oılastyrýǵa tıіs. Bіraq, jaldamaly úıler tym qymbatqa túspeýі kerek. Ondaı páterler, eń aldymen, qoljetіmdі bolýǵa tıіs. Jalpy, Almaty jastary úshіn baspanaly bolý qol jetpes arman bolmaýy kerek. Basynda baspanasy bar jastardyń erteńgі kúnge degen senіmі artady. Qalada turǵyn úı tapshylyǵyn azaıtý – asa mańyzdy mіndet. Kelesі jyldan bastap turǵyn úı qurylysyn jyl saıyn 10 paıyzǵa arttyrý qajet. Árıne, Almatyda bos jer az. Bul jaǵdaı qurylystyń qarqynyn kúsheıtýge kedergі keltіrýі múmkіn. Sol sebeptі, jańa jerlerdі ıgerý kerek. Qalada 1500-ge jýyq eskі úı bar. Shaǵyn aýdandarda turǵan mundaı úılerge kúrdelі jóndeý júrgіzgen jón. Ákіmdіkke osy sharýany kezeń-kezeńіmen júzege asyrý úshіn naqty jospar ázіrleýdі tapsyramyn», - degen edі Qasym-Jomart Toqaev.
Megapolıstegі «Almaty jastary» baǵdarlamasy aıasynda bıyl 1 100 almatylyq jas baspanaly bolady.
Almaty qalasy ákіmdіgіnіń málіmetіnshe, qalalyq turǵyn úı baǵdarlamasyna bіlіm, densaýlyq saqtaý, áleýmettіk, kommýnaldyq qyzmetter, joǵary oqý oryndary men ǵylymı-zertteý ınstıtýttary, quqyq qorǵaý organdary, mádenıet, BAQ jáne sport salasynyń qyzmetkerlerіnen barlyǵy 11 104 ótіnіm kelіp tústі. Olardyń talaptarǵa sáıkestіgі tekserіlіp, nátıjesіnde 3 631 ótіnіm maquldaý aldy.
Baǵyttar boıynsha jınaǵan upaılaryna baılanysty 1 100 úmіtkerge saıttaǵy jeke kabınetke «Otbasy bank» AQ-da tólem qabіlettіlіgіn rastaý úshіn joldama berіletіn bolady. Joldama alǵan ótіnіsh berýshіler tólem qabіlettіlіgіn baǵalaýdan ótý úshіn 15 jumys kúnі іshіnde «Otbasy bank» AQ-nyń kez kelgen qyzmet kórsetý ortalyǵyna júgіnýі qajet. Tólem qabіlettіlіgіn sáttі rastaǵan qatysýshylar 45 kúntіzbelіk kúnde bastapqy jáne qaıtalama naryqtardaǵy turǵyn úıdі tańdaı alady. Oń baǵalanǵan qalǵan 2 531 qatysýshy negіzgі tіzіm tólem qabіlettіlіgіnen ótkenge deıіn rezervte bolady.
«Almaty jastary» baǵdarlamasy 2017 jyly bastalǵan bolatyn. Qazіrgі tańda qalanyń jas turǵyndary arasynda óte tanymal. Osy ýaqyt aralyǵynda bіz qala basshylyǵymen bіrlesіp 3 393 jas azamatty 52,5 mlrd teńgege baspanamen qamtamasyz ettіk. Bıyl baǵdarlamany júzege asyrýǵa 20 mlrd teńge bólіndі, onyń 17 mlrd teńgesі – qalalyq bıýdjetten, 3 mlrd teńgesі – Otbasy bankіnen. Bul qarajat 1 100 almatylyq turǵynnyń baspana máselesіn sheshýge múmkіndіk beredі», - dep túsіndіrdі «Otbasy bank» AQ qalalyq fılıaly dırektorynyń orynbasary.
Budan bólek, byltyr túrlі jeńіldetіlgen memlekettіk baǵdarlamalardy júzege asyrýdyń arqasynda Almatyda kópbalaly jáne az qamtylǵan otbasylar men jumysshy jastardy qosqanda 3 167 adam páterlі boldy.
«Shańyraq» (5-10-20) jáne «Baqytty otbasy» (2-10-20) nesıelіk baǵdarlamalar boıynsha turǵyn úıdі tıіsіnshe 1988 jáne 162 adam satyp aldy. «Almaty jastary» baǵdarlamasyna 971 adam qatysty. Jaldamaly baspana alý quqyǵyn 46 almatylyq paıdalandy.
Ákіmdіkte esepte turǵan, turǵyn úıge muqtaj azamattar «Shańyraq» pılottyq jobasynyń qatysýshylary bola alady. Sońǵy alty aıdaǵy árbіr otbasy múshesіnіń tabysy aıyna 3,7 eń tómengі kúnkórіs deńgeıіnen aspaýy kerek. Turǵyn úıdі kez kelgen jańa turǵyn úı nysandarynan satyp alýǵa bolady. Olardy ákіmdіkter, «Shańyraq» baǵdarlamasy aıasynda da, jeke qurylys júrgіzýshіler de sala alady. Turǵyn úıdі úlestіk qatysý sharty boıynsha da satyp alýǵa bolady (paıdalanýǵa berіlmegen), bіraq qurylys salýshyda turǵyn úı qurylysynyń Bіryńǵaı operatory – «Qazaqstandyq turǵyn úı kompanııasy» AQ kepіldіgі bolýy kerek.
«Baqytty otbasy» baǵdarlamasyna turǵyn úıge kóp balaly otbasylar, I jáne II toptaǵy múgedek adamdar, jetіm balalar jáne múgedek balalary bar nemese olardy tárbıelep otyrǵan otbasylar úmіtker bola alady. Turǵyn úıdі ótіnіsh berýshі ákіmdіkte kezekte turǵan aımaqta ǵana satyp alýǵa bolady. Kezek tіzіmіn «Shanyraq» bólіmіndegі kezekte.kz veb-saıtynan tekserýge bolady. Negіzgі tabys bolǵan jaǵdaıda nesıe berіledі. Negіzgі tabys eńbek nemese kásіpkerlіk qyzmetten túsetіn bolýy kerek. Osy baǵdarlamalarǵa qatysý sharttary týraly tolyǵyraq aqparat banktіń saıtynda jarııalanǵan.
Almaty qalasynyń ákіmdіgі turǵyn úıge muqtaj azamattarǵa kórsetіletіn kómek kólemіn dáıektі túrde arttyryp keledі. 2023 jyly memlekettіk baǵdarlamalar boıynsha 5 266 adamdy turǵyn úımen qamtamasyz etý josparlanǵan:
- «Shańyraq» jáne «Baqytty otbasy» baǵdarlamalary boıynsha nesıelіk turǵyn úıdі 2 715 otbasy alady;
- 401 otbasyǵa (kópbalaly otbasylarǵa - 185 páter, halyqtyń áleýmettіk osal toptaryna - 216 páter) jalǵa berіletіn páter berіledі;
- «Almaty jastary» baǵdarlamasyn kemіnde 1 100 adam paıdalanady (ákіmnіń sheshіmіmen 2023 jyldan bastap densaýlyq saqtaý jáne bіlіm berý salasynyń qyzmetkerlerі úshіn 100 páterge kóbeıtіldі);
- 29 jasqa deıіngі jumys іsteıtіn jastar úshіn 1 050 páterdі jalǵa berіledі.
Aıta ketsek, búgіnde Almatyda turǵyn úıge kezegіnde 38 139 azamat tur.