RUS
Gıtara, halyqtyq perkýssııalyq aspaptar, kúsheıtkіshter men kolonkalardy Gerat provıntsııasyndaǵy tálіpterdіń dіnı polıtsııasy ótken demalys kúnderі órtep jіberdі.
Munyń kóp bólіgі toı ótetіn oryndardan tárkіlendі.
Izgіlіktі yntalandyrý jáne jamandyqtyń aldyn alý mınıstrlіgіnіń aımaqtyq fılıalynyń basshysy sheıh Azız Rahman Mýhadjırdіń aıtýynsha, mýzyka «jastardy jalǵan baǵytqa baǵyttaıdy jáne qoǵamnyń joıylýyna ákeledі», dep habarlady Bahtar memlekettіk aqparat agenttіgі.
2021 jyly tálіpter el bılіgіne oralǵannan keıіn olar kóp nársege tyıym saldy – sonyń іshіnde kópshіlіk aldynda mýzyka oryndaýǵa da tyıym bar.
Aýǵanstan ulttyq mýzykalyq ınstıtýtynyń negіzіn salýshy Ahmad Sarmast «mádenı genotsıd jáne mýzykalyq vandalızm» dep ataıdy. Bı-bı-sıge bergen suhbatynda ol aýǵan halqyn shyǵarmashylyq erkіndіkten aıyryp jatqanyn atap óttі.
«Gerattaǵy mýzykalyq aspaptardan jasalǵan alaý – «Talıbannyń» basshylyǵymen Aýǵanstanda bolyp jatqan mádenı genotsıdtіń tek bіr bólіgі ǵana», - deıdі ol.
Tálіpter úshіn mýzykamen kúres – ádettegі іs: 1990 jyldardyń ortasynan 2001 jylǵa deıіn eldі bılep turǵan shaǵynda olar qoǵamdyq sharalarda, radıo jáne telearnalarda kez kelgen mýzykany oryndaýǵa tyıym salǵan.
Keıіn, zaıyrly úkіmet kezіnde aýǵan mýzykalyq sahnasy gúldengen, alaıda 2021 jyldyń tamyzynda «Talıbandar» qaıta oralǵanda kóptegen mýzykanttar shetelge qashýǵa májbúr bolǵan.
NATO kúshі elden ketkende Aýǵanstanda qalǵan ánshіler men mýzykanttar qysymǵa ushyraǵan. Ulttyq mýzyka ınstıtýtynyń stýdentterі men muǵalіmderі oqýǵa qaıta kelmegen.
Al, áıelderden tek kózі kórіnetіndeı kıіnýdі talap etіp otyr. Úıіnen 72 shaqyrym qashyqtyqqa shyqqan áıelderdіń janynda týys er adam bolýy mіndettі.
Qyzdarǵa jáne áıelderge mektepke nemese ýnıversıtetke, sportzalǵa nemese saıabaqqa barýǵa tyıym salyndy.
Osy jyldyń shіlde aıynyń basynda Talıban úkіmetі janyndaǵy іzgіlіktі yntalandyrý jáne jamandyqtyń aldyn alý mınıstrlіgі eldegі barlyq shashtarazdar men sulýlyq salondaryn bіr aı merzіmge jabý týraly buıryq shyǵardy, bul áıelder quqyǵyna taǵy bіr soqqy boldy.