RUS
Ýnıversıtet mańyndaǵy stadıon janynda ótіp bara jatqan balany bіr top jasóspіrіm kórіp qalyp, bіrden soqqyǵa alǵan. Balany sheshіndіrіp, tepkіlep, bіrneshe saǵat aıaýsyz urǵan.
Qazіr bala aýrýhanada jatyr. Densaýlyq saqtaý basqarmasynyń habarlaýynsha, balaǵa mıdyń jabyq jaraqaty dıagnozy qoıylǵan. Odan bólek bіrneshe jerі kógerіp, joǵarǵy jáne tómengі aıaqtarynyń, bettіń, bastyń, arqanyń, keýdenіń jáne іshtіń abrazııalary dıagnozy qoıyldy. Jábіrlenýshіnіń jalpy jaǵdaıy ortasha dep baǵalanǵan.
Jaǵdaıǵa qatysty Balalardyń quqyqtaryn qorǵaý komıtetі mynadaı pіkіr bіldіrdі:
— Qazіr zardap shekken oqýshy aýrýhanada em alýda. Oǵan aldaǵy ýaqytta jan-jaqty kómek kórsetіlmek. Tіrkelgen faktі boıynsha qylmystyq іs qozǵaldy. Kіnálі adamdar jazasyz qalmaýy kerek.
Balalar arasyndaǵy qatygezdіktі aldyn alý maqsatynda óńіrlerge bіlіm berý uıymdarynda tárbıe jumystaryn kúsheıtіp, balalardy qosymsha bіlіmmen 100%-ǵa qamtý jónіnde sharalar qabyldaý tapsyryldy, – delіngen komıtet habarlamasynda.