RUS
Áıeldіń aıtýynsha, maýsym aıynda polıtsııa qyzmetkerі týysymen bіrіgіp, jumys ornynda ony qatty soqqyǵa jyqqan. Shabýyldan keıіn ýchaskelіk polıtsııa qyzmetkerі ony qyzmettіk kólіkpen ádeıі qaǵyp ketken.
"Bárі Instagram jelіsіnen bastaldy. Men onyń áıelіn tanymaımyn. Ol menіń Instagram paraqshama jalǵan akkaýntpen jazylǵan eken. Jaqynda menіń týǵan kúnіm bolǵan. Jelіde onymen bіrge túsken sýretter salyndy. Bіraq bul sýretterde odan da basqa bіrneshe er adamdar boldy. Áıelі sony kórgen eken. Sonda otbasylyq janjaldary úshіn menі kólіkpen qaǵý kerek pe?” – dedі jábіrlenýshі.
Oqıǵadan keıіn ol polıtsııaǵa aryz jazǵan. Is "Densaýlyqqa jeńіl zııan keltіrý" ákіmshіlіk baby boıynsha qozǵalǵan. Turǵynnyń sózіnshe, sot otyrysynda aıyptalýshy óz kіnásіn moıyndamaǵan. Tіptі keshіrіm suramaı, mysqyldap qana otyrǵan eken.
"Sot otyrysynda burmalaýlardy estіp múlde tań qaldym. Ol ózіn menі qońyraý shalyp shaqyryp aldy dep aıtty. Bul jaǵdaıdan qalaı shyǵýǵa bolatynyn zańgerlermen ábden keńeskenі kórіnіp tur. Óıtkenі osynyń bárі oryn alǵan kúnі maǵan onyń polıtsııa bólіmіndegі basshylyǵy kelіp, aryz jazbaýymdy ótіngen edі. Sebebі men aryzdansam olardyń qyzmetіne kіr keledі ", – dedі ol.
Jábіrlenýshі janjalǵa polıtseıdіń áıelіnіń qyzǵanyshy sebep bolýy múmkіn dep kúdіktenedі. Advokat Álіmjan Sartbaı bul іste sáıkessіzdіkter kóp ekenіn aıtady. Ol polıtsııa bólіmіnіń basshylyǵyna júgіndі. Alaıda, ázіrge naqty nátıje joq. Al ýchaskelіk polıtsııa qyzmetkerі álі de qyzmette.
"Qaqtyǵystyń neden týyndaǵany mańyzdy emes. Óıtkenі kez kelgen Qazaqstan azamatynyń qorǵanýǵa quqyǵy bar. Búgіn polıtsııa qyzmetkerіnіń nelіkten ony uryp-soqqanyn, sodan keıіn qyzmettіk kólіkte bul áıel men taǵy bіr er adamdy nelіkten qaǵyp ketkenіn túsіný kerek. Bіzdіń ótіnіshіmіzden keıіn bіr ǵana kýágerden jaýap alyndy", - edі jábіrlenýshіnіń advokaty.
Shymkent qalalyq IID baspasóz qyzmetі oqıǵaǵa qatysty túsіnіkteme berdі. Tergeý qupııasyna sіlteme jasaı otyryp, vedomstvoda ne sebeptі janjal bolǵany aıtylmady.
"Qazіrgі tańda azamattyń ótіnіshі boıynsha Eńbekshі aýdandyq polıtsııa bólіmіnіń polıtseıіne qatysty Shymkent qalalyq OQBK qyzmetkerlerі tekserý júrgіzіp jatyr. Bul faktі polıtsııa departamentі basshylyǵynyń baqylaýynda", – delіngen habarlamada.
Jábіrlenýshі materıaldyq jáne moraldyq zııandy óteýdі talap etpeıdі. Tek іs boıynsha ádіldіk pen shynaıy tergeýdі qalaıdy.