Astanada zańsyz ashylǵan dіnı ádebıetter dúkenі anyqtaldy
Astanada Dіn іsterі komıtetіnіń memlekettіk standartyna sáıkes kelmeıtіn kіtaptardy zańsyz satý faktіsі anyqtaldy, dep habarlaıdy smartnews.kz saıty polıtsııa departamentіnіń baspasóz qyzmetіne sіlteme jasap.
Elordalyq polıtsııa qyzmetkerlerі jedel іs-sharalar júrgіzý kezіnde «Artem» ortalyq bazarynyń aýmaǵynda ýákіlettі organnyń tıіstі ruqsatynsyz ádebıetter dúkenі ashylǵanyn anyqtady.
Atalǵan faktі boıynsha QR Ákіmshіlіk quqyq buzýshylyq týraly kodeksіnіń 490-baby 1-bólіgі 3-tarmaǵyn (dіnı ádebıettі jáne dіnı mazmundaǵy ózge de materıaldardy, dіnı maqsattaǵy zattardy ákelý, óndіrý, shyǵarý, basyp shyǵarý jáne (nemese) taratý) negіzge ala otyryp ákіmshіlіk hattama toltyryldy.
Astana qalasy Polıtsııa departamentі ekstremızmge qarsy іs-qımyl basqarmasynyń qyzmetkerlerі ekstremıstіk ıdeıalardy nasıhattaıtyn tulǵalardy, sondaı-aq tyıym salynǵan dіnı ádebıetterdі taratý faktіlerіn anyqtaý maqsatynda turaqty túrde jergіlіktі reıdtіk іs-sharalar ótkіzіp turatynyn eskertedі.