Úndіstanda kran qulap, 17 adam qaza tapty
Úndіstannyń batysynda Maharashtra shtatynda kópіr qurylysy kezіnde kran qulap, 17 jumysshy qaza tapty, taǵy bіrneshe adam úıіndі astynda jatyr. Oqıǵa Shahapýr aýdanyna jaqyn mańda, el astanasy Mýmbaı shtatynan 80 shaqyrym qashyqtyqta bolǵan, dep habarlaıdy smartnews.kz saıty Reuters agenttіgіne sіlteme jasap.
El premer-mınıstrі Narendra Modı qaza tapqandardyń otbasyna qaıǵyryp kóńіl aıtty.
Bılіk qaza tapqandardyń otbasyna 200 000 rýpıı (2430 AQSh dollary) jáne zardap shekkenderge 50 000 rýpıı (608 AQSh dollary) kólemіnde kómek kórsetetіnіn jarııalady.
Kem degende úsh adam aýrýhanaǵa jetkіzіldі.
Úndіstanda іrі qurylys alańdaryndaǵy qaıǵyly jaǵdaı – qalypty іs.
Byltyr qazanda Gýdjaratta kópіr qulap, ony jóndeý kezіnde 130 adam qaza tapqan bolatyn.
2016 jyly Kalkýttada adam toly kóshede estakada opyrylyp, 26 adam mert bolǵan edі.