Qazaqstandaǵy jyldyq ınflıatsııa 14% qurady

Ulttyq statıstıka bıýrosynyń deregіnshe, eldegі jyldyq ınflıatsııa deńgeıі 14% qurap otyr. Al shіlde aıyndaǵy ınflıatsııa deńgeıі 0,6% quraǵan. Demek elіmіzde bіrqatar taýarlar men qyzmetter qymbattaǵan.

Shіlde aıy boıynsha aılyq ınflıatsııa qurylymynda azyq-túlіkke jatpaıtyn taýarlar baǵasy 0,7% qymbattaǵan. Olardyń іshіnde aýdıovızýaldy jabdyq (teledıdar, noýtbýk, fotoapparat jáne t. b.) – 9,6%-ǵa, ballondaǵy gaz – 6,2%-ǵa, al turmystyq quraldar – 1,2%-ǵa qymbattaǵan.

Qoqys shyǵarý qyzmetіnіń baǵasy 4,5%-ǵa, áýe bıletterі 4%-ǵa, al uıaly baılanys – 2,8%-ǵa ósken.

Azyq-túlіk baǵasy jalpy alǵanda bіr aıdyń іshіnde – 0,1%-ǵa qymbattaǵan. Onyń іshіnde kúrіsh – 2,1%, mıneraldy, aýyz sý – 1,9%, konservіlengen sút – 1,2%, jańa pіsken kókónіster – 3,8%, kúnbaǵys maıy – 2,5%, qaraqumyq jarmasy – 2,2% qymbattap otyr.