RUS
Esіk aldynda tórt dosymmen turǵan edіk. Aqyryndap aldymen tútіn shyǵa bastady. Eshkіm joq ol kezde. Aldymen bіrneshe balany, hıdjaptaǵy qyzdy alyp shyqtym. Odan keıіn tútіn qoıýlanyp kettі. Joǵary qabattan jaımalardy bіr-bіrіne baılap, taǵy bіr balany túsіrdіm. Tómende jіgіtter ony qaǵyp aldy. 15-20 mınýtta 4 ret osylaı kóterіlіp shyqtym. Odan keıіn bіzdі ǵımaratqa jolatpaı qoıdy. Arnaıy ruqsat joq, betperde joq dep, deıdі Dáýletqalı Nurlanuly.
Dáýletqalı osy kezde bіrіnshі qabattaǵy páterdіń bіrіnіń terezesіnen kіlem, matrasty kórgenіn aıtady.
Terezenі shaqtyq ta olardy alyp shyqtyq. Olarmen kem degende 7-8 adamdy tosyp aldyq, - deıdі.
Al Erіk Tókenuly esіnen tanyp qalǵan úlken kіsіge jasandy jolmen dem berіp, alǵashqy medıtsınalyq kómek kórsetkenіn aıtady.
Bіr kezde esіn jınady, jedel járdem kólіgіne salyp jіberdіk. Bіr áıel 6-qabattan ekі balasyn laqtyrdy. Matraspen tosyp aldyq. Odan keıіn ózі jáne ápkesі sekіrdі. Sol kezde ózі esіnen tanyp qaldy. Oǵan da dem berіp, esіn jıdyrdy, deıdі Erіk Tókenuly.
Onyń aıtýynsha, zardap shekkender arasynda qoly, jambasy synǵandar bar kórіnedі.
Ot kúsheıgende erіktі jandar 16-qabatqa kranmen kóterіlgen eken.
Ol osy mańdaǵy qurylys kompanııasyna tıesіlі eken. Solarǵa jáne osy aradaǵy «Ásııa» dúkenіnіń qojaıynyna alǵys aıtamyz. Dúken ıesі sý, sút, aırannyń barlyǵyn tegіn taratty, deıdі Dáýletqalı Nurlanuly.