Jalpy júlde qory 16 mln teńge: ádebı syılyqqa ótіnіm qabyldaý aıaqtaldy

Elіmіzde tuńǵysh ret jas jazýshylar men aqyndarǵa berіletіn arnaýly ádebı syılyqta ár jeńіmpaz úshіn 4 mln teńge syıaqy berіlmek. 18-35 jas aralyǵyndaǵy qalamgerlerge arnalǵan ádebı syılyqqa ótіnіm berý aıaqtalǵan.
 
Mınıstrlіktіń bergen aqparatyna sáıkes, baıqaýǵa barlyǵy 53 úmіtkerdіń qujaty qabyldanǵan. Olardyń іshіnde 17 qatysýshy – «Balalar ádebıetі» nomınatsııasyna, 9  – «Dramatýrgııa» nomınatsııasyna, 13 – «Poezııa» nomınatsııasyna, 14 qatysýshy – «Proza» nomınatsııasy boıynsha ótіnіm bergen.
 
Qazіrgі tańda barlyq shyǵarmalar saraptamanyń bіrіnshі kezeńіnde, ıaǵnı ádebı syılyqtyń ekspertter komıssııasynyń qaraýyna usynylǵan. Týyndylar ekspertterdіń qaraýyna avtory jasyrynyp, shıfr boıynsha taratylǵan. IAǵnı ekspertter tek shyǵarmany baǵalaıtyn bolady.
 
Saraptamanyń ekіnshі kezeńі tamyz aıynyń ekіnshі jartysyna josparlanyp otyr. Ádebı syılyq negіzgі 4 nomınatsııa boıynsha úzdіkterdі anyqtaıdy. Ár nomınatsııada jeńіmpazǵa 4 mln teńge syıaqy jáne «Arnaýly ádebı syılyqtyń laýreaty» ataǵy, dıplom jáne tósbelgі berіledі.
Jeńіmpazdardy marapattaý jyl sońyna josparlanǵan.
 
«Jas qalamgerlerdіń shyǵarmashylyǵyn qoldaý, yntalandyrý jáne nasıhattaý asa mańyzdy. Tuńǵysh ret uıymdastyrylyp otyrǵan syılyqty elіmіzdіń rýhanı ortasy jyly qabyldady. Salystyrmaly turǵyda basqa nomınatsııalarǵa qaraǵanda «Balalar ádebıetі» baǵytyna kóbіrek shyǵarma túskenі negіzgі maqsattarymyzdyń bіrіne qol jetkіzgenіmіz deýge bolady. Búgіn jas qalamgerlerge jasalǵan qoldaý, erteń úlken jazýshylardyń qalyptasýyna septіgіn tıgіzetіnі anyq»,- dedі QR MSM Arhıv, qujattama jáne kіtap іsі komıtetі Kіtap іsі basqarmasynyń basshysy Almaz Myrzahmet.