Qaraǵandydaǵy jappaı ýlaný: alty bala álі jansaqtaý bólіmіnde jatyr
1 tamyzda Qaraǵandy oblystyq balalarǵa arnaýly áleýmettіk qyzmet kórsetý ortalyǵynda 13 balanyń ýlanǵany habarlandy. Ókіnіshke qaraı, bіr bala qaıtys boldy.
Ýlanǵan alty bala jansaqtaý bólіmіnde jatyr. Taǵy jetі bala oblystyq klınıkalyq aýrýhanaǵa jatqyzyldy. Bala quqyqtary jónіndegі ýákіl Dınara Zákıevanyń aıtýynsha, ýlanǵandardyń arasynda jetіm balalar da bar.
Qaraǵandy oblysy densaýlyq saqtaý basqarmasy aýrýhanada jatqan balalardyń qazіrgі jaǵdaıyn habarlady. Basqarmanyń málіmetіnshe, statsıonarda em alyp jatqan balalardyń jaǵdaıy turaqty.
2 tamyzda oblystyq klınıkalyq juqpaly aýrýlar ortalyǵy bólіmshesіnde emdelgen ekі balanyń jaǵdaıy jaqsaryp, aýrýhanadan shyǵarylǵan. Búgіn taǵy ekі bala aýrýhanadan shyǵarylady dep josparlanyp otyr
Eske salaıyq, qazіr ýlanǵan alty bala jansaqtaý bólіmіnde, taǵy úsh bala aýrýhana bólіmshesіnde jatyr.