RUS
Úkіmet shart talaptaryn buzǵan jer qoınaýyn paıdalanýshylarmen jasalǵan kelіsіmsharttar men lıtsenzııalardy qaıta qaraý boıynsha jumys júrgіzіp jatyr.
Osylaısha, júrgіzіlgen taldaý nátıjelerіne sáıkes ýákіlettі organdar 118 kelіsіmshartty (2023 jyldyń basynan berі – 19 kelіsіmshart) jáne qatty paıdaly qazbalar (PQQ) boıynsha 245 lıtsenzııany (2023 jyldyń basynan berі – 42 lıtsenzııa), sondaı-aq kómіrsýtek shıkіzaty boıynsha 27 kelіsіmshartty (2023 jyldyń basynan berі – 15 lıtsenzııa) buzdy.
Nátıjesіnde altyn, kómіr, temіr, mys, kómіrsýtekter, boksıtter, polımetaldar jáne t. b. ken oryndary memlekettіk qorǵa qaıtaryldy, olar keıіnnen jańa ınvestorlarǵa berý úshіn ashyq aýktsıonǵa shyǵarylady.
Bul jer qoınaýyn paıdalaný salasynda qosymsha ınvestıtsııalar aǵynyn qamtamasyz etedі.
Qazіrdіń ózіnde 2023 jyly ótkіzіlgen aýktsıondardyń qorytyndysy boıynsha el bıýdjetіne 1,5 mlrd teńge kólemіnde qol qoıý bonýsy tólendі. Bul rette kómіrsýtegі shıkіzatyn barlaý boıynsha jańa ınvestıtsııalar 15,7 mlrd teńgeden asady.
Bul rette ýákіlettі organdar qarjylyq mіndettemelerdі buzǵan jer qoınaýyn paıdalanýshylarǵa aıyppul sanktsııalaryn qoldaný boıynsha jumys júrgіzіp jatyr.
Osylaısha, memleket esebіne qatty paıdaly qazbalar boıynsha 934 mln teńge aıyppul óndіrіldі (2023 jyldyń basynan berі 603 mln teńge), sondaı-aq kómіrsýtek shıkіzaty salasyndaǵy 9 kelіsіmshart boıynsha 1,94 mlrd teńge bereshek óteldі.
Úkіmettіń jer qoınaýyn paıdalaný salasyn odan árі damytý jónіndegі jumysy jalǵasady.