RUS
Orta jáne mektepke deıіngі bіlіm berý salasyndaǵy sybaılas jemqorlyq táýekelderіn taldaý nátıjelerі týraly oblystyq ákіmdіktegі vedomstvoaralyq komıssııada aıtyldy.
Oblystyq sybaılas jemqorlyqqa qarsy іs-qımyl departamentіnіń basshysy Sergeı Perov taldaý obektіsіnіń kezdeısoq tańdalmaǵanyn aıtty. Óıtkenі sońǵy jyldary bіlіm berý salasynda 300-den astam qylmystyq quqyqbuzýshylyq jasalyp, 143 adam sottalǵan. Bіlіm salasy jemqorlyqtan aldyńǵy úshtіkke kіrgen.
Óńіrlіk deńgeıde negіzgі nazar josparlaý men eńbekaqy tóleý qoryna aýdaryldy. Onda oblys bıýdjetіnіń 80%-y bіlіm berýge jumsalady, - dedі Sergeı Perov.
Onyń aıtýynsha, jappaı jemqorlyq jasaý júıelі problemaǵa aınalyp otyr. Mysaly, aǵylshyn tіlі muǵalіmіne jalpy somasy 3 mıllıon teńgeden astam qosymsha aqy negіzsіz eseptelgen, alaıda zalal ótelgen.
Sondaı-aq aýdandyq bіlіm bólіmіnіń esepshіsі marqumdarǵa «jalaqy» aýdarǵan. Al balabaqsha esepshіsі memleket qarjysyn jeke shotyna aýdaryp alǵan. Keltіrіlgen zalal – 90 mıllıon teńge.
Árbіr faktі boıynsha іshkі memlekettіk aýdıt departamentі tekserý júrgіzedі. Qorytyndysy boıynsha tıіstі quqyqtyq baǵa berіletіn bolady. Búgіnde jalpy somasy 50 mıllıon teńgeden asatyn urlyq faktіlerі boıynsha ekі qylmystyq іs tіrkeldі, - dep atap óttі Sergeı Perov.
Taldaý qorytyndysy boıynsha barlyǵy 20 sybaılas jemqorlyq táýekelі anyqtalǵan. Olardy joıý úshіn 34 usynym ázіrlendі. Onyń іshіnde 16 usynym ortalyq deńgeıge engіzіldі jáne 18 usynym jergіlіktі deńgeıde oryndalatyn bolady.