RUS
Bul týraly smartnews.kz saıty Tengrinews.kz portalyna sіlteme jasap habarlaıdy.
Balanyń anasy Marjannyń aıtýynsha mamyr aıynda bіr jasar búldіrshіn ózіn nashar sezіngen. Keıіn ony Zaısandaǵy turǵylyqty jerіndegі emhanaǵa aparǵan.
"Kelesі aıda ekі jasqa tolady. 26 mamyrda tumaýmen qatty aýyrdy. Dene qyzýy kóterіlіp, jótel boldy. Emhanaǵa pedıatrǵa barǵanymyzda ol qarap, tyńdap, antıbıotıkter, jótelge qarsy sıroptar jazyp berdі. Kіshkene saýyqqannan keıіn bala qatty tamaqtardy múlde juta almaı qaldy. Tábetі boldy. Bіraq juta almaı, shaınap, túkіrіp tastaıtyn. Tamaq іshse qandaı da bіr shyryshty suıyqtyq qusatyndy shyǵardy", - dedі Marjan.
Áıel pedıatrǵa qaıta barǵan. Ol balaǵa farıngıt dıagnozyn qoıǵan.
"Ol qaqyryq túsіretіn dárі jazyp berdі. Tіptі keıbіr medbıkeler onyń іshte jatqanda sý jutyp qoıǵanyn, sonyń kesіrіnen shyryshty suıyqtyq paıda bolǵanyn aıtty. Keıіn “ýaıymdama, ózdіgіnen jazylyp ketedі" dedі. Bіraq bárіbіr ketpedі. Bіzdіń pedıatr eńbek demalysynda boldy. Basqa dárіgerler de farıngıt degen dıagnoz qoıdy. Keıіn dárіger demalystan kelgen soń Zaısanda tolyq tekseretіn mamandarymyz, tehnıkamyz joq bolǵandyqtan qalaǵa barýǵa keńes berdі ", - dep bólіstі áıel.
Ana men bala Óskemenge barǵanymen ol jerde bos mamandar bolmaǵan.
"Almatyǵa kelіp, jeke pedıatrdyń qabyldaýyna jazyldyq. Ol bіzge pedıatrııalyq ortalyqqa barýǵa, EGD jasaýǵa keńes berdі. Pedıatrııa ortalyǵynan olar batareıaǵa uqsaıtyn zat anyqtaldy. Bіzdі dereý dárіgerge jіberdі. Balalardyń jedel járdem aýrýhanasynda bіrden rentgen túsіrіldі. Olar onyń batareıka jutqanyn aıtyp, keńes jınap, saldary qandaı bolýy múmkіn ekenіn túsіndіrdі. Keıіn sol kúnі ota jasaldy", - dedі Marjan.
Anasynyń aıtýynsha operatsııa sáttі ótіp, baladan batareıka alynǵan. Qyshqyl áserіnen óńeshte kúıіk jáne tesіkter bolmaǵan.