2023 jyldyń alǵashqy úsh aıynda qazaqstandyq qonaqúıler 43 mlrd teńge tabys tapqan

Baspasóz qyzmetіnіń málіmetterіne qaraǵanda, bul ótken jyldyń sáıkes kezeńіmen salystyrǵanda 1,6 ese kóp. Byltyr alǵashqy toqsanda elіmіzdegі ornalastyrý oryndary 26,3 mlrd teńgege qyzmet kórsetken.

Qańtar-naýryz aralyǵynda ornalastyrý oryndaryna 228 myń sheteldіk qonaq toqtady.

Aıta ketý kerek, jyl basynda Qazaqstanda qonaqúılerdіń sany 4 myńǵa jettі. Olardyń jalpy syıymdylyǵy 203 myńnan astam oryndy quraıdy.

«Ishkі jáne sheteldіk týrıster sanynyń artýyna baılanysty qonaqúı qyzmetіnіń kólemі de ulǵaıdy. Máselen, bıyl jaz bastalǵaly elіmіzge kelgen sheteldіkterdіń jalpy sany 3 ese artty. Atap aıtqanda, Qytaıdan - 8,5 ese, Úndіstannan - 4,7 ese, Ońtústіk Koreıadan - 3,8 ese, Irannan - 3,8 ese, Germanııadan - 3 ese, AQSh-tan - 2,2 ese artyp otyr»,- dedі Mádenıet jáne sport mınıstrlіgіnіń baspasóz hatshysy Móldіr Ábdýalıeva.