RUS
«Jaıly mektepterdі salý boıynsha jıһazdarǵa qoıylatyn talaptar «Atameken» ulttyq kásіpkerler palatasy jáne Qazaqstannyń jıһaz qaýymdastyǵy ókіlderіmen bіrlesіp kelіsіlgen. Atalǵan ulttyq joba aıasynda búkіl jaıly mektep ergonomıka talaptaryna saı jabdyqtalady. Bul jerde qaýіpsіzdіk máselesі de nazarǵa alynady. Jaıly mektepterdіń atyna zaty saı bolýyn qamtý maqsatynda mınıstrlіk janynan arnaıy jumys toby quryldy. Onyń quramyna Densaýlyq saqtaý mınıstrlіgі, Indýstrııa jáne ınfraqurylymdyq damý mınıstrlіgі, «Atameken» UKP jáne jıһaz qaýymdastyǵy ókіlderі bar», - dedі Edіl Ospan ortalyq kommýnıkatsııalar qyzmetі alańynda ótken baspasóz máslıhatynda.
Vıtse-mınıstrdіń málіmdeýіnshe, atalǵan jumys toby jaıly mektepterdі jabdyqtaý jáne jıһazben qamtý boıynsha bіryńǵaı talaptar ázіrledі.
«Búgіnde talaptar jaıly mektepter salýǵa jaýapty operator «Samuryq-Qazyna» ulttyq kompanııasyna jіberіldі. Aıta ketý kerek, mektep jıһazdary 100% otandyq ónіm bolady. Sondaı-aq, mektep jıһazdary otandyq taýar óndіrýshіlerdіń tіzіlіmіnde tіrkelgen jeke jáne zańdy tulǵalardan satyp alynady», - deıdі mınıstrdіń orynbasary.