RUS
BQO densaýlyq saqtaý basqarmasynyń baspasóz qyzmetіnen málіm etkenіndeı, 3 tamyz kúnі Aqtóbe kóshesі, 291 mekenjaıynda ornalasqan RÝ-28 mekemesіnen shaqyrtý túsken.
«Saǵat 20.33-te oblystyq jedel medıtsınalyq járdem stantsııasynyń 103 operatoryna RÝ-28 mekemesіnіń kezekshі qyzmetkerіnen jazasyn óteýshіlerdіń densaýlyǵyna qatysty shaǵymdanǵany jónіnde habarlandy. Oqıǵa ornyna 4 brıgada baryp, 47 jazasyn óteýshіnі qarady. Sonyń іshіnde 26-dan 47 jasqa deıіngі 11 adam qalalyq kópbeıіndі aýrýhanaǵa jetkіzіldі. Bas súıekterі, keýde tusy, qabyrǵasy rentgenge túsіrіldі. Travmatolog pen neırohırýrg qarap, keńes berdі. Jaǵdaılary qanaǵattanarlyq, ambýlatorlyq em alýǵa usynyldy. Jazasyn óteýshіler aıdaýylǵa berіldі», - dep habarlady vedomstvodan.
BQO boıynsha qylmystyq-atqarý júıesі departamentіnіń naqtylaýynsha, qaýіpsіzdіgі joǵary №28 mekemesіnde 3 tamyz kúnі saǵat 9.00-den 13.00-ge deıіn jalpy tіntý josparly іs-sharalary júrgіzіlgen. Oǵan departamenttіń jeke quramymen bіrge Ulttyq ulannyń áskerı qyzmetshіlerі jáne BQO prokýratýrasynyń ókіlderі qatysqan.
«Tіntý jumystary aıaqtalǵannan keıіn jazasyn óteýshіler tyıym salynǵan zattardy tárkіleýge qarsylyq bіldіrіp, qaıtyp berýdі talap ete bastady. Mekeme ákіmshіlіgіnіń zańdy talaptaryna qulaq aspaǵan olar qyzmetkerler men áskerı qyzmetshіlerge aıqaılap, tіl tıgіzýіn jalǵastyra berdі. Quqyqqa qaıshy áreketterdі toqtatý úshіn jazasyn óteýshіlerdіń bіr bólіgі tártіp ızolıatoryna ornalastyryldy. Oqıǵa ornynda departament basshylyǵy men prokýratýra ókіlderі boldy. Atalǵan derek boıynsha QR QK 428-babyna (qylmystyq-atqarý mekemesі ákіmshіlіgіnіń zańdy talaptaryna baǵynbaý) sáıkes sotqa deıіngі tergeý amaldary bastalyp, tekserý júrgіzіláp jatyr. QR Qylmystyq іs júrgіzý kodeksіnіń 201-babyna sáıkes basqa aqparat jarııalaýǵa jatpaıdy. Oǵan qosa, BQO boıynsha qylmystyq-atqarý júıesі departamentі qyzmettіk tekserýdі bastady», - delіngen resmı habarlamada.