Shymkentte polıtsııa qyzmetkerі ekі jaıaý júrgіnshіnі qaǵyp kettі (vıdeo)

Kýágerlerdіń aıtýynsha, jaıaý júrgіnshіler jolaǵynda 39 jastaǵy áıel men 10 jastaǵy qyz ótіp bara jatqan. Kólіk ekeýіn de qaǵyp ketken. Oqıǵa 3 tamyz kúnі keshkі saǵat bester shamasynda bolǵan.
"Áıeldіń jaǵdaıy aýyr. Munda bóten kólіkpen kelgen polıtseıler áıeldі basqa aýrýhanaǵa aýystyryp, іzderіn jasyrýǵa áreket etýde. Alaıda men oǵan ruqsat bermeımіn. Munda kameralar jumys іsteıdі", - deıdі oqıǵa kýágerlerіnіń bіrі.
Shymkent qalalyq densaýlyq saqtaý basqarmasy áıel men qyzdyń jaǵdaıynan habar berdі.
"Áıel jabyq bas-mı jaraqaty dıagnozymen jatqyzyldy. Qyz balaǵa jabyq bassúıek-mı jaraqaty, mıdyń shaıqalýy, oń jaqta qabyrǵa asty aımaǵynyń terі asty gematomasy, іshtіń doǵal jaraqaty dıagnozy qoıyldy", - dep habarlady qalalyq densaýlyq saqtaý basqarmasy.
Polıtsııa qyzmetkerlerіne qatysty tergeý júrіp jatyr. Bul іs Qalalyq polıtsııa basqarmasynyń bastyǵy Qaırat Dalbekovtyń baqylaýynda. Tıіstі saraptamalar taǵaıyndaldy.
"Jaıaý júrgіnshіler jolaǵynda Turan Polıtsııa basqarmasynyń júrgіzýshі-polıtseıі qyzmettіk kólіgіmen ekі adamdy qaǵyp ketken. Atalǵan fakt qalalyq polıtsııa departamentіnіń TJD-da QR QK 345-babynyń 2-bólіgі "Kólik quraldaryn basqaratyn adamdardyń jol júrіsі nemese kólik quraldaryn paıdalaný qaǵıdalaryn buzýy" boıynsha tіrkeldі, - dep habarlady polıtsııa.
Departament jábіrlenýshіler men olardyń týystarynan polıtsııa qyzmetkerіnіń áreketі úshіn keshіrіm surady. Júrgіzýshі ekі myń AEK-ke deıіn aıyppul tóleıdі nemese naqty merzіmge qamalýy múmkіn. Ony dárejesіnen aıyra ma, joq pa, Ishkі іster mınıstrlіgі sheshedі.