RUS
Nıkıta esіmdі jіgіt bolyp tanysqan alaıaqqa 31 jastaǵy elorda turǵyny 130 myń teńge aýdaryp jіbergen. Aldanǵanyn túsіngen áıel polıtsııaǵa júgіnedі.
Anyqtalǵanyndaı, er adamnyń atyn jamylǵan kúdіktі romantıkalyq hat almasý arqyly áıelderdіń senіmіne ábden kіrіp alady. Munan keıіn ıntımdіk sıpattaǵy fotosýretterіn alyp, olardy áleýmettіk jelіge salamyn dep qorqytady. Sóıtіp, fotosýretterіn taratpaýdy ótіngen bıkeshterden aqsha talap etedі.
Sotqa deıіngі tergep-tekserý barysynda osyǵan uqsas qylmystary úshіn buryn sottalǵan, 5 alaıaqtyq іske qatysy bar Reseı azamaty anyqtaldy. Qazіr QR Qylmystyq kodeksіnіń 190-baby 2-bólіgі boıynsha sotqa deıіngі tergeý amaldary júrgіzіlіp jatyr. Sheteldіk boıjetken ustalyp, túzeý mekemesіne qamaldy.
Osy oraıda, Astana qalasynyń Polıtsııa departamentі jelі arqyly tanysýdan saq bolýǵa shaqyrady.
Vırtýaldy tanystarǵa shamadan tys sený qaıǵyly saldarǵa ákelýі múmkіn. Olarǵa jeke aqparatty jarııa etpeýіńіz kerek jáne sіzge qaýіp tóndіretіn ıntımdіk fotosýrettermen bólіspegenіńіz jón, - dep eskertedі elordalyq polıtseıler.