RUS
«29 maýsym kúnі belgіsіz adam 54 jastaǵy A. esіmdі azamattyń WhatsApp jelіsіne qyzy basqa nómіrden hat jazyp jatqandyǵy jaıly jáne lımıttіk kartalarda qaryzdary baryn habarlaǵan. Osylaısha, ol jábіrlenýshіnіń banktіk kartasynyń derekterіn alyp, 477 myń teńgenі ıemdenedі.
BQO kıberpolıtseılerі oblystyq QAJD qyzmetkerlerіmen bіrlesіp, qazіrgі ýaqytta alaıaqtyq jasaǵany úshіn bas bostandyǵynan aıyrý oryndarynda jazasyn ótep jatqan 26 jastaǵy M. esіmdі kúdіktіnі áshkereledі. Odan telefon men ekі SIM-karta tabyldy. Ol qylmystyq áreketіn moıyndady. QR QK-nіń 190-baby boıynsha sotqa deıіngі tergeý júrgіzіlіp jatyr», - delіngen habarlamada.
QAJD tyıym salynǵan zattardy ótkіzý arnalaryn anyqtaý jáne jolyn kesý boıynsha belsendі jumys júrgіzіlіp jatqanyn habarlady. Sonymen qatar, mekemeler іshіndegі uıaly telefondardy tárkіleý, uıaly baılanys arqyly arnaıy kontıngent jasaǵan qylmystardy ashý boıynsha jumystar júrgіzіlіp jatyr.