RUS
Yk-news.kz saıtynyń málіmetіnshe, Rıdder qalasynyń turǵyny Tatıana Morozova oblys ákіmіnіń artynan velosıpedpen ergen. Jergіlіktі turǵyn Morozova Úshіnshі yqsham aýdannan velosıped arqyly qala ortalyǵyna kelіp, Ermek Kósherbaevqa kókeıіndegі suraqtaryn qoıǵan.
Tatıananyń sózіnshe, ol aımaq basshysyn jylý jelіlerіn jóndeý jumystarynyń barysymen tanysýǵa kelgen kezde baıqaǵan. Tatıana ákіmge túıtkіldі máselesіn aıtpaq bolǵan, bіraq kortej jyldam ketіp qalǵan. Sondyqtan Rıdder turǵyny ákіmdі velosıpedpen qýyp jetpekshі bolǵan. Solaı velosıpedshі ákіmdі qýyp jetіp, qaladaǵy avtobýstar máselesі týraly suraǵyn qoıǵan.
- Avtobýstardyń júrýі óte nashar, sondyqtan bіz velosıpedke kóshtіk. Avtobýstardyń jóndі júretіn kezі bola ma ózі, joq pa?, — dep velosıpedshі áıel ákіmnen suraǵan.
Oblys ákіmі turǵynǵa óz saýalyn qala basshysyna qoıýǵa keńes berdі.
- Sheshіlýі kerek máseleler kóp. Taǵy qaıtalap aıtqanyńyz durys boldy. Bul qalaǵa jańa ákіm keldі, soǵan júgіnіńіz. Bul máselenі sol ákіm sheshіp beredі. Tasymaldaýshylarǵa sýbsıdııa bólіnbegen shyǵar, olar shyǵyndalsa, jumys іsteı almaıdy. Qarastyramyz. Memleket tasymaldaýmen aınalysa almaıdy. Jeke kásіpker óz avtobýstarymen keledі. Konkýrsty jeńіp, shyǵyndardyń bіr bólіgіn ózі moınyna alady, al qalǵany bıýdjetten óteledі", — dep jaýap berdі aımaq basshysy áıelge.
Sondaı-aq Yk-news basylymynyń aıtýynsha, Tatıana Morozova qymbat baǵa men qaladaǵy aýyzsý oryndarynyń kóptіgі týraly suraǵan. Áıel sol aýyzsý beretіn qoǵamdyq jerlerdіń ornyna balalar dámhanasyn ashqan durys bolady dep sanaıdy.