RUS
Ózara saýdany ulǵaıtý úshіn Astana men Kabýl Aýǵanstan-Túrіkmenstan shekarasynda saýda-logıstıkalyq termınal qurýǵa jáne ekі elge de jaǵdaı jasap, qyzmet kórsetý máselesіn zerdeleýge nıettі. Osyǵan baılanysty tranzıt jáne logıstıka máselelerі boıynsha Qazaqstan, Aýǵanstan jáne Túrіkmenstannyń qatysýymen úshjaqty kelіssózder júrgіzý josparlanyp otyr.
Úkіmet jáne bıznes toptarynyń ókіlderі elder arasyndaǵy jańa kólіk-tranzıttіk jáne saýda-ınvestıtsııalyq kelіsіmdі ázіrleý qajettіgіn bіldіrdі. Qazaqstan men Aýǵanstan bank jáne telekommýnıkatsııa sektorlarynda yntymaqtastyqty damytýǵa, taý-ken óndіrý ónerkásіbіnde, aýyl jáne sý sharýashylyǵynda, energetıka, logıstıka, temіr joldar, densaýlyq saqtaý, bіlіm berý jáne basqa da salalarda ınvestıtsııalyq jobalardy іske asyrý múmkіndіgіn qarastyrýǵa nıettі.
- Taraptar Gerat qalasynda qazaqstandyq taýarlar men qyzmetterdіń jáne Almaty qalasynda nemese Qazaqstannyń basqa qalalarynda aýǵan taýarlary men qyzmetterіnіń turaqty túrde jumys іsteıtіn kórme ortalyqtaryn ashýǵa járdemdesetіn bolady, - delіngen Saýda jáne ıntegratsııa mınıstrlіgіnіń habarlamasynda.