Elіmіzde fılmder monıtorıngіnіń bіryńǵaı aqparattyq júıesі daıyndaldy
Jyl sońyna deıіn Qazaqstan aýmaǵynda fılmderdі júıege keltіrýge arnalǵan aqparattyq júıe іske qosylady, dep habarlaıdy smartnews.kz saıty.
«Qazіrgі kezde Qazaqstan Respýblıkasynyń aýmaǵynda fılmderdі júıege keltіrý jáne esepke alý maqsatynda ýákіlettі organ Fılmder monıtorıngіnіń bіryńǵaı avtomattandyrylǵan aqparattyq júıesіn daıyndady. Ol pılot rejımde іske qosyldy. Jyl sońyna deıіn Aqparattyq júıenі tolyq engіzý josparlanǵan», - delіngen Mádenıet jáne sport mınıstrlіgіnіń «QazAqparat» agenttіgіne bergen jaýabynda.
Atap aıtqanda, bıyl Ulttyq quryltaıda Prezıdent Qasym-Jomart Toqaev otandyq kınonyń damýyna jańasha kózqaras, tyń serpіn kerek ekenіn aıtty. Bul turǵyda kınoǵa barǵan kórermen sanyn esepteıtіn tsıfrlyq júıe engіzýdі tapsyrdy.
Memleket basshysy quny men mazmuny arzan fılmder shyǵyp jatqanyn synǵa alǵan edі.