RUS
Ekіbastuzdyq kelіnshektіń aıtýynsha, ol bіrneshe aı boıy kúıeýіnіń qatygezdіgі men qorlyǵyna tózіp, turmysy túzeledі dep úmіttengen.
"Bıyl mamyr aıynda kezektі ret uryp-soǵý kezіnde kúıeýіm maǵan pyshaqpen shabýyl jasady. Óz ómіrіm úshіn jáne qursaǵymdaǵy balam úshіn qorqyp, qashýǵa tyrystym, bіraq ol qaıtadan shabýyl jasady. Men onyń pyshaǵyn alyp aldym. Qatty úreı bılegenі sonsha men oǵan pyshaqty suǵyp aldym. Saldary ólіmge ákeldі. Ókіnіshke oraı, ol qaıtys boldy. Qaıǵyly oqıǵa kezіnde men júktіlіgіmnіń 23 aptasynda boldym. Ol maǵan burynnan zorlyq-zombylyq áreketіn kórsetetіn. Quqyq qorǵaý organdaryna qaıta-qaıta júgіnsem de kúıeýіm únemі jazasyz qalatyn. Al úıge kelgende ol ózіn agressıvtі ustady", - dedі áıel.
Aıtýynsha, ol buǵan deıіn jergіlіktі emhanada tіs dárіgerі bolyp jumys іstegen. Kúıeýіmen qarym-qatynasy jaqsarady dep tórt aı boıy nekede turyp, ony buzbaǵan.
"Qazіr júktіlіktіń 35-shі aptasyndamyn. Úıqamaqta otyrmyn jáne oǵan QR Qylmystyq kodeksіnіń 99-babynyń 1-bólіgі "Basqa adamdy qasaqana óltіrý" boıynsha aıyptaldym. Menіń áreketіm qasaqana bolmaǵany týraly dálelder bar. Bіraq muny eshkіm tyńdamaı jatyr", - dedі Ekіbastuz qalasynyń turǵyny.
Kúdіktі óz ótіnіshіne oqıǵa ornynan kúıeýіmen janjaldasyp qalǵan sátі túsіrіlgen vıdeony tіrkegen, kadrlarda er adamnyń áıeldі uryp jatqany kórіnedі.
"Shydap júre bermeńіz, ýaqytynda ketý kerek. Óıtkenі bul ómіrde qaýіptіń qaıdan kelerі belgіsіz. Qazіr men úshіn óte qıyn, bolǵan oqıǵaǵa qatty ókіnemіn", - dedі áıel.
Pavlodar oblysynyń polıtsııa departamentі Ekіbastuz qalasynyń turǵynyna qatysty qylmystyq іs qazіrdіń ózіnde sotta qaraýǵa daıyndalyp jatqanyn habarlady.
Al, áıel kómek suraǵan Daǵdarys ortalyǵy oǵan qoldaý kórsetýge daıyn ekenіn jetkіzdі.
"Árıne, áıeldіń affekt jaǵdaıynda bolǵanyn dáleldeý óte qıyn. Sondyqtan óz-ózderіn qorǵaımyn dep osyndaı jaıtqa tap bolǵan áıelderdіń kóbі qazіr kolonııada. Degenmen muny dáleldeýge de bolady. Tek quqyq qorǵaýshylar úshіn kіsі óltіrý dep іstі jabý ońaıyraq. Bіzdіń tájіrıbemіzde bul únsіz qalatyn jaǵdaı emes. Qazіr bılіk, depýtattarǵa úndeý jarııalap, jan aıqaıdy jetkіzýge bolady. Protsess bіzdіń jáne qoǵamnyń baqylaýynda. Sottyń ádіl ótýіn talap etemіz", - dep túsіndіrdі "Daǵdarystyq ortalyqtar odaǵy" zańdy tulǵalar bіrlestіgіnіń basqarma tóraıymy Zýlfııa Baısaqova.