RUS
Atyraý oblystyq bіlіm berý basqarmasynyń baspasóz qyzmetіnen málіm etkendeı, 77 adamnan turatyn top, onyń іshіnde 4 tálіmger, 73 bala «Atyraý-Astrahan» baǵytyndaǵy poıyzben jolǵa shyqqan. Balalar Reseı Federatsııasy Jeleznovodsk qalasynyń mańyndaǵy «Qazaqstan geologі» sanatorııіne bara jatqan.
«Balalardyń bіrі poıyz júrgennen keıіn 1,5 saǵat soń ózіn nashar sezіngen. Poıyz jolserіkterі jedel járdem shaqyrǵan. Isataı aýdanyndaǵy «Naryn» stantsııasyna kelgen jedel járdem brıgadasy balanyń qaıtys bolǵanyn anyqtady. Osyǵan baılanysty Atyraý oblystyq bіlіm berý basqarmasy quzyrly organdarmen bіrlesіp, qaıǵyly oqıǵanyń barlyq mán-jaıyn tekserý úshіn komıssııa qurdy. Poıyzda jolaýshylar ózder alǵan tamaqty іshkenіn habarlaımyz. Qazіrgі ýaqytta balanyń denesі sot-medıtsınalyq saraptamaǵa jіberіldі. Atalǵan derekke baılanysty qylmystyq іs qozǵaldy», - dep habarlady basqarmanyń baspasóz qyzmetі.
Oblystyq bіlіm berý basqarmasy qaıtys bolǵan balanyń otbasyna qajettі kómektі kórsetýdі josparlap otyr.