RUS
Samokattardy jalǵa beretіn kıksherıngtіk kompanııalar jalpy «josyqsyz klıentter tіzіmіn» qurýdy usynyp otyr. Jol qozǵalysy erejelerіn, jolaýshylar men júkterdі tasymaldaý erejelerіn buzatyn, skýterdі durys emes jerde qaldyratyn paıdalanýshylarǵa barlyq kompanııa bіr mezgіlde qyzmet kórsetýden bas tartýy múmkіn. Sondaı-aq, polıtsııa patrýlі úshіn elektr skýterlerіn paıdalaný usynyldy, - dedі A. Boranova QR IIM aptalyq brıfıngіnde.
Spıkerdіń aıtýynsha, skýter paıdalanýshylary úshіn arnaıy mobıldі qosymsha arqyly habarlamalar jіberý qarastyrylyp jatyr. Bul rette skýter arnaıy bólіngen oryndarǵa qoıylmasa, sapar aıaqtalmaıdy (aqy alý jalǵasady).
Jaryqsyz ýchaskelerde, qala syrtyndaǵy trassalarda jáne kámeletke tolmaǵandarǵa elektr skýterlerіn paıdalanýǵa tyıym salý usynyldy. Balalardyń elektr skýterlerіn paıdalanýyn boldyrmaý úshіn salmaq kategorııalary boıynsha tyıym salý engіzіledі. Mysaly, 30 kelіden asatyn qoldanýshylarǵa ǵana ruqsat berіledі, - dedі Aqtoty Boranova.
Aıta keteıіk, 30 tamyzdan bastap jol erejesіn buzǵan samokatshylarǵa aıyppul salynady. Quqyqbuzýshylyqtar anyqtalsa, olar ÁQBtK 593-baby (5 AEK aıyppul) nemese ÁQBtK 620-baby (eskertý nemese 3 AEK aıyppul) boıynsha jaýapqa tartylady.
Shet elderdіń tájіrıbesі kórsetkendeı, elektr skýterlerіnіń qarqyndy damýy men beı-bereket jumys іsteýі olarǵa tolyq tyıym salýǵa ákelýі múmkіn. Sondyqtan, jol qozǵalysynyń qaýіpsіzdіgіn qamtamasyz etý úshіn skýterlerdі paıdalanýdy retteý máselesі óte mańyzdy jáne onyń sheshіlýіn jol qozǵalysynyń barlyq qatysýshylary kútedі. Bіz óz tarapymyzdan kez kelgen usynystardy óńіrlіk jáne ortalyq deńgeılerde qarastyrýǵa daıynbyz, - dedі Aqtoty Boranova.