RUS
2023 jylǵy 17 mamyrda Sıan qalasynda Qazaqstan men Qytaı arasynda vızalyq talaptardy ózara bosatý týraly kelіsіmge qol qoıyldy. Kelіsіmnіń 11-babyna sáıkes, taraptar onyń kúshіne enýі úshіn qajet memleketіshіlіk rásіmderdіń oryndalǵany týraly habarlamany ózara alǵan kúnnen bastap, kúntіzbelіk 30 kúnnen keıіn kúshіne enedі. Qazіrgі ýaqytta qazaqstandyq tarap barlyq memleketіshіlіk rásіmderdі aıaqtady. Osy kelіsіmdі QR Úkіmetіnіń 2023 jylǵy 26 shіldedegі №612 qaýlysymen bekіtіp, sondaı-aq bıyl 28 shіldede Qazaqstannyń Syrtqy іster mınıstrlіgі Qytaı Halyq Respýblıkasynyń Syrtqy іster mınıstrlіgіne tıіstі habarlama joldady. Bіz Qytaı tarapynan іshkі protsedýralardyń aıaqtalýy týraly tıіstі habarlama kútemіz, - dep túsіndіrdі A. Smadııarov mınıstrlіktіń aptalyq brıfıngіnde.
Tıіsіnshe, qos el arasynda ózara vızasyz rejımnіń kúshіne enýі týraly aqparat Qazaqstannyń Syrtqy іster mınıstrlіgіnіń resmı ınternet-resýrsyna shyǵady jáne Qazaqstannyń buqaralyq aqparat quraldarynda keńіnen jarııalanady.
Shіldenіń sońynda Qazaqstan Úkіmetі osy kelіsіmdі bekіtý týraly qaýlyny qabyldaǵanda bіrneshe BAQ qate aqparat jіberіp, bul kelіsіm kúshіne endі dep jazypty. Bul durys emes. Atalǵan qaýly tek Qazaqstan tarapy іshkі protsedýrany aıaqtady degendі bіldіredі. Endі Qytaı tarapynan dál sondaı habarlamany kútemіz. Osyndaı habarlama kelgen kúnnen bastap, 30 kúntіzbelіk kúnnen soń kelіsіm kúshіne enedі. Sheshіm jyl sońyna deıіn qabyldanýy ábden múmkіn, - dedі QR SIM resmı ókіlі.
Eske sala ketsek, Qazaqstan Respýblıkasynyń Prezıdentі Qasym-Jomart Toqaevtyń Qytaı Halyq Respýblıkasyna memlekettіk sapary aıasynda bіrqatar qujatqa qol qoıyldy. Olardyń arasynda «Qazaqstan Respýblıkasynyń Úkіmetі men Qytaı Halyq Respýblıkasynyń Úkіmetі arasyndaǵy vızalyq talaptardan ózara bosatý týraly kelіsіm» bar.