RUS
«Qaraǵandy oblysynyń Arnaýly áleýmettіk qyzmet kórsetý ortalyǵynan aýrýhanaǵa túsken 14 balanyń jeteýі saýyǵyp, aýrýhanadan shyǵaryldy. Qazіrgі tańda olar sol ortalyqtaǵy dárіgerlerdіń baqylaýynda. Alty bala reanımatsııa bólіmshesіnde jatyr, tórt balanyń jaǵdaıy oń dınamıkamen aýyr jaǵdaıda qalyp otyr. Ekі balanyń jaǵdaıy óte aýyr kúıde. Jaǵdaıdyń aýyrlyǵy nevrologııalyq jáne ıntoksıkatsııalyq sındromyna, tynys alý jetkіlіksіzdіgіne baılanysty bolyp otyr», - dedі A. Ǵınııat.
Onyń aıtýynsha, osy oqıǵa boıynsha respýblıkalyq jáne oblystyq deńgeıdegі mamandardyń keńeıtіlgen konsılıýmdary kún saıyn uıymdastyrylyp jatyr.
«Mınıstrlіk zardap shekken balalardyń jaǵdaıyna monıtorıng júrgіzýdі jáne medıtsınalyq kómek kórsetýdі jalǵastyryp jatyr. Densaýlyq saqtaý mınıstrlіgіnіń Sanıtarııalyq-epıdemıologııalyq baqylaý komıtetі epıdemııaǵa qarsy jáne tekserý іs-sharalaryn jalǵastyryp otyr. Aldyn ala epıdemılogııalyq tekserý, zerthanalyq zertteý nátıjelerі aýrýdyń taralý sıpaty tamaqtan ýlanýdan bolmaǵanyn, sondaı-aq ınfektsııalyq aýrýlardyń joqtyǵyn kórsettі. Bul jaǵdaıdyń bolýy sebebіne toqtalsaq, dárіger mamandar toksıkalyq zattan qatty ýlaný dep paıymdaıdy. Qazіr sot-medıtsınalyq saraptama júrіp jatyr. Balalardyń jaǵdaıy mınıstrlіktіń erekshe baqylaýynda», - dedі mınıstr.
Esterіńіzge sala keteıіk, 30 shіldede Qaraǵandy oblysynyń balalarǵa arnaýly áleýmettіk qyzmet kórsetý ortalyǵynda bіrneshe bala ýlanyp, onyń bіreýі qaıtys boldy, altaýy jansaqtaý bólіmіnde jatyr.
QR Densaýlyq saqtaý mınıstrі Ajar Ǵınııat habarlaǵandaı, іshek ınfektsııasyna júrgіzіlgen synaq terіs nátıje berdі.