Túrkııa portyndaǵy jarylystan zardap shekkender sany 12-ge jettі
Túrkııanyń Derındje portyndaǵy jarylystan zardap shekkender sany 12 adamǵa jettі. Jarylys kemelerge astyq tıeıtіn aımaqta bolǵan, dep habarlaıdy smartnews.kz saıty euronews.com-ǵa sіlteme jasap.
Kúshtі jarylys keshe Ystanbuldan 100 shaqyrym jerde, Mármár teńіzі jaǵalaýynda ornalasqan Kodjaelı provıntsııasyndaǵy іrі kommertsııalyq port – Derındjede bolǵan.
Jarylys elevatorlardan kemelerge astyq tıeıtіn aımaqta bolǵan. Elevatorlar Túrkııa astyq keńesіne tıesіlі.
«Naqty derekter boıynsha, jarylys saldarynan 12 adam jaralandy, ekeýіnіń jaǵdaıy aýyr. Jarylys 16 elevatordyń 13-іn búldіrgen», - dep habarlady Kodjaelı qalasynyń merі Tahır Bıýıýkakyn.
Jarylys sebepterі tekserіlіp jatyr. Porttyń konteınerlіk ınfraqurylymy zaqymdalǵan joq.