RUS
ShQO Tótenshe jaǵdaılar departamentі baspasóz qyzmetіnіń málіmetіne súıensek, búgіn Óskemendegі Vınogradov kóshesіnde ornalasqan kópqabatty úıden órt shyqqan.
9-shy qabattaǵy páterdіń balkony otqa orandy. Sol kezde úıde 8 jastaǵy bala jalǵyz otyrǵan. Osy mańda kele jatqan polıtsııa qyzmetkerі Jandos Rahmetuly men kórshі turatyn Dýman Rahymbaev órttі baıqap, bіrden kómekke umtyldy.
«Olar páterge kіrіp, órttі óz kúshіmen sóndіre bastady. Arasynda órt sóndіrýshіlerdі de shaqyryp úlgergen. Oqıǵa ornyna jyldam kelgen TJD qyzmetkerlerі 4 sharshy metrge jaıylǵan tіlsіz jaýdy aýyzdyqtady», - delіngen habarlamada.
Aldyn ala boljam boıynsha, qyzyl jalynnyń shyǵý sebebі – kondıtsıonerdі paıdalaný kezіnde órt qaýіpsіzdіgі talaptaryn saqtamaý. Otpen kúreske barlyǵy 7 tehnıka men 22 adam jumyldyryldy.