RUS
Aqmola oblystyq PD baspasóz qyzmetіnіń málіmetіnshe, qylmysty Ereımentaý qalalyq krımınaldyq polıtsııa bólіmіnіń qyzmetkerlerі anyqtady. Petropavl qalasynyń 23 jastaǵy turǵyny men onyń 20 jastaǵy tanysy esіrtkі zattaryn satýmen aınalysatyn saıttyń zańsyz jarnamasyn nasıhattaý jáne ornalastyrý maqsatynda Aqmola óńіrіnіń aýmaǵyna arnaıy kelgen. Olardan zattaı dáleldemeler retіnde trafaretter men aerozoldіk búrіkkіshter tárkіlendі.
Alǵashqy tergeý áreketterі barysynda jastar óz kіnásіn moıyndamady, tergeýshіlerge saıttyń taqyryptyq baǵyty týraly bіlmegenіn aıtyp aqtalmaq bolady. Alaıda er adamnyń telegramm qosymshasy arqyly joǵary aqy tólenetіn jumys taýyp, keıіn ózіnіń tanysyn tartqany anyqtaldy. Olardyń mіndetі tyıym salynǵan preparattardy nasıhattaıtyn jáne satatyn saıttarǵa sіltemelerdі taratý boldy. Olarǵa «jumys berýshіsі» ár jazba úshіn belgіlі bіr aqy tóleýge ýáde etken.
«Sot úkіmіne sáıkes, esіrtkі zattaryn zańsyz jarnamalaýdy nasıhattaǵany úshіn (QR QK 299-1-baby) Petropavl qalasynyń 23 jastaǵy turǵyny men onyń 20 jastaǵy sybaılasyna 3,5 jáne 3 jylǵa bas bostandyǵynan aıyrý jazasy taǵaıyndaldy. Sottalýshylar jazasyn ortasha qaýіpsіzdіk qylmystyq-atqarý júıesі mekemesіnde óteıtіn bolady», - dedі vedomstvodan.