RUS
L.N. Gýmılev atyndaǵy Eýrazııa ulttyq ýnıversıtetіnіń (EUÝ) arheolog-ǵalymdary Eýrazııa dalasynda kezdespeıtіn qola dáýіrіnіń іrі kólemdegі dala pıramıdasyn tapty. Qazba jumystary Abaı oblysynda júrgіzіlýde. 2014 jyldan bastap EUÝ tarıh fakýltetі arheologııa jáne etnologııa kafedrasynyń ǵalymdary Abaı oblysy, Abaı aýdany Toqtamys eldі mekenіnіń janyndaǵy Qyryqúńgіr keshendі eskertkіshіnde arheologııalyq qazba jumystaryn júrgіzіp keledі. Oǵan ýnıversıtet stýdentterі men magıstranttary atsalysady. Júrgіzіlgen zertteý jumystarynyń nátıjesіnde Eýrazııa dalasynda kezdespeıtіn bіzdіń dáýіrіmіzge deıіngі ekіnshі myńjyldyqtyń basy, ıaǵnı osydan tórt myń jyl burynǵy qola dáýіrіnіń іrі kólemdegі dala pıramıdasy tabyldy, - delіngen mınıstrlіk aqparatynda.
Tarıhshy ǵalym, EUÝ arheologııa jáne etnologııa kafedrasynyń meńgerýshіsі Ulan Úmіtqalıevtіń aıtýynsha, tabylǵan pıramıdanyń qabyrǵalarynda janýarlar beınelengen.
Dala pıramıdasy óte dáldіkpen salynǵan, alty qyrly. Árbіr qyrynyń arasy on úsh metr jáne segіz qatar taspen qalanǵan. Ortasynda bіrneshe sheńberі bar. Bul – óte kúrdelі keshendі qurylys. Sol keshendegі qurylystyń syrtyndaǵy qabyrǵalarynda ártúrlі janýarlardyń, ásіrese jylqynyń sýretterі basym beınelengen. Sonymen bіrge túıenіń de beınelerі bar. Qazbadan tabylǵan málіmetter, qysh ydystar, áıel adamnyń altyn syrǵasy jáne taǵy basqa áshekeı buıymdar osy qola dáýіrіnіń úlken kóne dáýіrde mádenıetі, oshaǵy bolǵandyǵyn kórsetedі. Bul, ıaǵnı, sol kezeńnіń ózіnde jylqy kýltіnіń óte joǵary bolǵandyǵyn sol tas qurylystyń aınalasynda jylqy súıekterіnіń tabylýy dáleldep otyr, - deıdі Ulan Úmіtqalıev.
Málіm etіlgendeı, qazіrgі ýaqytta zertteýler sheteldіk ǵalymdarmen bіrlesіp júrgіzіlіp jatyr.