RUS
Qaınar bulaq saıajaıynyń aýmaǵynda ornalasqan dúken ıelerі Abaı aýdandyq polıtsııa bólіmіne bіrdeı mazmundy úsh aryz túsіrgen.
Aryzdanǵan saýda núktelerіndegі urlyq túngі ýaqytta jasalǵan. Barlyq jaǵdaıda kúdіktі ǵımarattardyń shatyryn ashyp, tóbenі buzý arqyly іshke kіrgen. Ury ekі dúkennіń kassasynan jalpy somasy 130 myń teńge jymqyrdy. Al úshіnshі kásіpkerden smartfon, aqsha jáne sóredegі alkogoldіk sýsyndar men temekі ónіmderіn qoldy etken. Oǵan keltіrіlgen shyǵyn 1 mln teńgeden asty.
Atalǵan jaıttardy ashýda beınebaqylaý kameralarynyń kómegіmen polıtseıler kúdіktіnіń jeke basyn anyqtady. Ol buryn osyǵan uqsas qylmys jasaǵany úshіn jaýapkershіlіkke tartylǵan jergіlіktі turǵyn bolyp shyqty.
- Qabyldanǵan sharalardyń nátıjesіnde jas jіgіt ustalyp, qamaýǵa alyndy. Onyń taǵy ekі saıajaı urlyǵyna qatysy bar ekendіgі anyqtaldy. Ol alǵashynda bіreýdіń úıіnіń aýlasynan velosıped urlasa, keıіn zeınetkerdіń úıіnen uıaly telefony men kıіm-keshekterdі jymqyrǵan, - deıdі vedomstvonyń baspasóz hatshysy Alınýra Eralyqyzy.
Qazіrgі tańda QR QK-nіń 188-baby 3-bólіgі (Urlyq) boıynsha sotqa deıіngі tergeý áreketterі júrgіzіlіp jatyr. Aldaǵy ýaqytta іs-qujattar barlyq jınalǵan dáleldemelermen sotqa joldanady.