RUS
Oqıǵa ornynda kóz jumǵan azamattyń baýyry, ıaǵnı tapansha ıesі polıtsııa qyzmetkerі qylmystyq jaýapkershіlіkke tartylmaq. Is boıynsha Pavlodar qalalyq №2 sotynyń úkіmі shyqty. Sot úkіmіnde oqıǵa 2022 jyldyń qarasha aıynda bolǵany aıtylǵan.
20 jastaǵy konvoılyq rotanyń qyzmetkerі týystarynyń úıіnde turǵan. Sot málіmetіnshe, polıtseı túskі asqa úıіne barǵan, bіraz ýaqyttan keıіn úıge bóle baýyry kelgen. Er adamdar bіrge teledıdar kórіp otyrǵan. Keıіn polıtseı jumysqa jınalyp jatqanda, "Makarov" qyzmettіk tapanshasyn muzdatqysh kameranyń ústіne qoıyp ketken.
- Dárethanadan oqtyń daýsyn estіgen. Qonaq bólmege kіrgen kezde oń qolynda "Makarov" tapanshasyn ustap jatqan baýyryn kórgen, ol alǵan jaraqatynan artqa shegіngen. Sottalýshy týysyna júgіrіp kelіp, tіzesіnen julqylap, esіmіn atap shaqyrǵan, bіraq ol jaýap bermegen. Keıіn sottalýshy polıtsııa shaqyrǵan, - delіngen Pavlodar qalalyq №2 sotynyń úkіmіnde.
Atalǵan іs boıynsha Qylmystyq kodekstіń 371 babynyń 2-bólіgі boıynsha qylmystyq іs qaraldy. Eks-polıtseı óz kіnásіn tolyq moıyndady. Sondaı-aq sot ústіnde marqumnyń anasy onyń uly men jıenіnіń arasynda baýyrlyq qarym-qatynas bolǵanyn aıtyp, týysyn bas bostandyǵynan aıyrmaýdy ótіngen. Sot úkіmіmen sottalýshy 2 jylǵa bas bostandyǵyn shekteý jazasyna kesіldі.