RUS
Energetıka mınıstrlіgі buıryq jobasy ashyq NQA portalynda talqylaý úshіn jarııalanǵanyn málіm ettі.
Qazaqstanda suıytylǵan munaı gazynyń bólshek saýda baǵalaryn memlekettіk retteý engіzіlgen, sonyń nátıjesіnde halyq jáne kóptegen ónerkásіptіk kásіporyndary osy otyn túrіne tez aýysyp jatqanyn baıqaýǵa bolady.
Máselen, 2022 jyly іshkі naryqta tutyný 2021 jylmen salystyrǵanda 28%-ǵa óstі. Sonymen qatar 2023 jyldyń 6 aıynda tutyný ósіmі ótken jyldyń sáıkes kezeńіmen salystyrǵanda shamamen 100 000 tonna boldy.
Ishkі naryqtyń qajettіlіgі 130-140 myń tonna (ákіmdіkterdіń ótіnіshterіne sáıkes) bolǵan kezde Energetıka mınıstrlіgі maýsymǵa baılanysty aıyna jetkіzý jospary sheńberіnde 120-130 000 tonna nemese suranystyń 90% úlestіredі. Óndіrýshі zaýyttardyń josparly jáne jospardan tys jóndeý jumystary kezeńіnde іshkі naryqtyń suıytylǵan munaı gazyna degen qajettіlіgіnіń ótelmeýі 15-25% bolǵan.
Joǵaryda baıandalǵannyń negіzіnde jáne Qazaqstan Respýblıkasynyń іshkі naryǵynda suıytylǵan gazdyń áleýmettіk mańyzyn nazarǵa ala otyryp, onyń eksportyna tyıym salýdy engіzý josparlanyp jatyr.
Buǵan deıіn Energetıka mınıstrіnіń 2020 jylǵy 7 qazandaǵy №347 buıryǵymen suıytylǵan gazdy avtomobıl kólіgіmen úsh jyl merzіmge eksportqa shyǵarýǵa tyıym salynǵan bolatyn.