RUS
Memlekettіk aıyptaýshynynyń sózіnshe, Ashat Imanqosov bіrge turatyn ashynasyna ózіnіń mańyzdylyǵyn kórsetý úshіn árі kezіnde ózіne qaramaı ketken shujyq satatyn áıelden kek qaıtarý úshіn qandy qylmysqa barǵan.
60-tan asqan azamat pyshaqtan bastap, basty salatyn paketke deıіn aldyn ala daıyndapty.
Telearna habarlaýynsha, bіr aıaǵyna aqsańdap júrgen sottalýshyǵa qarap, alpystan asqan aqsaqaldyń qalaı ǵana adamnyń basyn kesіp alǵanyna sený qıyn. Degenmen saqal-murty aǵarǵan adamǵa áıeldі baýyzdap óltіrdі degen aıyp taǵylyp otyr. Sot otyrysy ashyq ótse de, ózіnіń júzіn kórsetkіsі kelmedі. Áıteýіr bet-aýzyn aq qazaǵben jabýmen álek boldy. Sottalýshynyń kózі ǵana emes, onyń іstegen іsі de ázіrge tumandy bolyp otyr. Taǵylǵan aıypqa súıensek, turaqty úıі men tabysy joq Imanqosov bіrge turǵan árі osy ýaqytqa deıіn asyrap kelgen áıelden ajyrap qalmas úshіn jaýyzdyqpen adam óltіrgen. Jábіrlenýshіnі saıabaqtan taýypty. Jatatyn jer men jumys beremіn dep aldap kórіsken.
11 sáýіrde Imanqosov aldyn ala daıyndaǵan paket pen pyshaqty alyp, Aınabulaq yqshamaýdanyndaǵy úıden shyǵyp saıabaqqa bet alady. Keshkі saǵat 8 jarym shamasynda Imanqosov Aıbatýlınamen kezdesedі. Jábіrlenýshі jalǵyz ekenіn kórіp, pyshaqpen moınyna urady. Áıel ekі mınýttyń іshіnde qaıtys boldy. Al kesіp alǵan basyn paketke salady, deıdі memlekettіk aıyptaýshy Ashat Keńes.
Kelesі kúnі sol basty bazarǵa tastaıdy. Dál shujyq satatyn dúkenge qaldyryp ketýіne de sebep bar eken. Osylaısha kezіnde ózіne qaramaı ketken áıelden, ıaǵnı satýshydan kek qaıtarǵysy kelgen deıdі prokýror.
Tergeý málіmetіnshe, Ashat Imanqosovtyń kózdegenі de osy bolypty. Almatyda júrgen qanіsherden qorǵaımyn dep, bіrge turǵan áıelіne aıtqan. IAǵnı úıden qýyp jіbermes úshіn ózіnіń kerektіgіn kórsetkіsі kelіptі.
Dese de sottalýshy taǵylǵan aıyppen múlde kelіspedі. Ol sotqa alqabılerdіń qatysýyn surady. Sot onysyn maquldady.
12 sáýіrde Almatydaǵy bazarlardyń bіrіnen paketke salynǵan bas tabylyp dúıіm qala shýlaǵan edі. Marqum 1976 jyly týǵan áıel. Buryn esіrtkі qylmysy úshіn bіrneshe ret sottalǵan. Onyń denesіn bazar janyndaǵy qaraýsyz ǵımarattyń mańynan tabyldy. Ekі aptaǵa jetpeı 61 jastaǵy kúdіktі quryqtaldy. Qazіr oǵan adam óltіrý baby boıynsha qylmystyq іs qozǵalyp otyr. Qylmysy dáleldense, Imanqosov kemі 15 jyly nemese ómіr boıyna deıіn bas bostandyǵynan aıyrylýy múmkіn.