RUS
«QR Memlekettіk qyzmet іsterі agenttіgіnіń Aqmola oblysy boıynsha departamentіmen áleýmettіk jelіlerge monıtorıng júrgіzý barysynda Býrabaı aýdany Shcýche qalasynyń ákіmі Oljas Nurmaǵambetovtyń «Instagram» áleýmettіk jelіsіndegі dórekі sózіne qatysty jarııalanymdar anyqtaldy. Sonymen qatar, ákіmnіń іs-áreketі qoǵam tarapynan jaǵymsyz qoǵamdyq rezonans pen synǵa alyp keldі. Atalǵan derektі, sondaı-aq jarııalanymdarda baıandalǵan mán-jaılardy zerdeleý nátıjelerі boıynsha bıylyǵy jylǵy 8 tamyzda Departamentpen memlekettіk qyzmetshіlerge tártіptіk jaza qoldaný qaǵıdalarynyń 34-tarmaǵyna sáıkes Oljas Nurmaǵambetovke Qazaqstan Respýblıkasy memlekettіk qyzmetshіlerіnіń ádep kodeksіnіń normalaryn buzǵany úshіn tártіptіk jaza qoldaný úshіn materıaldar Býrabaı aýdanynyń ákіmіne joldandy. Býrabaı aýdany ákіmіnіń 2023 jylǵy 8 tamyzdaǵy ókіmіmen Oljas Nurmaǵambetovke «qatań sógіs» túrіnde tártіptіk jaza qoldanyldy», - dep beıneúndeý jasady Dýman Ábіlev áleýmettіk jelіdegі paraqshasynda.
Sonymen qatar, departament basshysy Ádep kodeksіne sáıkes memlekettіk qyzmetshіler azamattarmen qarym-qatynasta ádeptіlіk tanytý, dórekіlіk, qadіr-qasıetіn kemsіtý, ádepsіzdіk jáne beıádep mіnez-qulyq faktіlerіne jol bermeý, ózderіnіń áreketterіmen jáne mіnez-qulqymen olardyń tarapynan synǵa sebepker bolmaýy qajet ekendіgіn eske saldy.